Psalm 24:3 - Pennsylvania Dutch Bible

³ Veah dauf uf em Hah sei hivvel gay? Veah dauf in seim heilicha-blatz shtay?

Psalm 24:3 Σταυροειδείς Αναφορές

1. Chronik 15:1

Noch demm es da Dawfit heisah gebaut hott fa sich selvaht in di Shtatt fumm Dawfit, hott eah en blatz grisht fa di Bundes-Lawt funn Gott, un hott en tent uf gedu fa see.

Psalm 15:1

Oh Hah, veah dauf in deim tent voona? Veah dauf uf deim heilicha hivvel voona?

Psalm 2:6

“Ich habb mei Kaynich eiksetzt uf mei heilichah hivvel funn Zion.”

Psalm 65:4

Ksaykend is sellah es du raus laysht, un nayksht bringsht fa in dei foah-hohfa voona. Miah sinn zufridda mitt di gooda sacha funn deim haus, dei heilichah tempel.

Psalm 68:18

Du bisht nuff in di hay kfoahra, un hosht kfangani mitt dich kfiaht. Du hosht kshenkah grikt funn mensha, even funn selli es geyyich dich shaffa, So es du, Gott da Hah, datt voona kansht.

Ezekiel 44:5

Da Hah hott ksawt zu miah, “Mensha-kind, gebb goot acht, gukk mitt dei awwa un heich mitt dei oahra alles es ich diah sawk veyyich di adnunga un ksetza fumm tempel fumm Hah. Gebb acht veah nei un aus em tempel gay dauf.

Ezekiel 44:9

Dess is vass da Awlmechtich Hah sawkt: Es sella kenn fremdi mitt unbeshniddani hatza un unbeshnidda flaysh in mei heilichah blatz nei gay, nett even selli fremda es unnich di Kinnah-Israel voona.

3. Mosi 10:3

Da Mosi hott no ksawt zumm Aaron, “Dess is vass da Hah kshvetzt hott diveyya vo eah ksawt hott: ‘Ich veis mich heilich zu selli es miah nayksht kumma; un fannich awl di leit zayl ich hallich kalda sei.’” No voah da Aaron shtill.

Maleachi 3:1

“Gukket moll, ich shikk aynah mitt meim vatt fannich miah heah fa da vayk rishta. No uf aymol kumd da Hah es diah am sucha sind an sei tempel, sellah es kumd un shvetzt veyyich mei bund, un sellah es diah havva vellet. Gukket moll, eah is am kumma,” sawkt da Awlmechtich Hah.

Johannes 13:36

Da Simon Petrus hott no ksawt zu eem, “Hah, vo gaysht du anna?” Jesus hott ksawt zu eem, “Vo ich anna gay kansht du nett nohch kumma nau, avvah du zaylsht shpaydah nohch kumma.”

Johannes 20:17

Jesus hott ksawt zu iahra, “Du mich nett ohrayya, veil ich noch nett nuff ganga binn zumm Faddah. Avvah gay zu mei breedah un sawk eena es ich am nuff zu meim Faddah un eiyah Faddah gay binn; zu meim Gott un zu eiyah Gott.”

Hebräer 12:28

So dann, siddah es miah am en Kaynich-Reich greeya sinn es nett kshiddeld sei kann, losset uns gnawt havva, so es miah Gott deena kenna in en vayk es es eem kfellich is, un een eahra mitt angsht.