Psalm 24:1 - Pennsylvania Dutch Bible

¹ Di eaht is em Hah seini, un alles es drinn is. Di veld un awl selli es drinn voona sinn sei.

Psalm 24:1 Σταυροειδείς Αναφορές

1. Chronik 29:11

Zu diah, oh Hah, heaht di eah un di graft, di hallichkeit, di kaynich-eah, un alles es im himmel un uf di eaht is. Zu diah, oh Hah, heaht's Kaynich-Reich un du bisht da evvahsht ivvah alles.

1. Chronik 29:16

Oh Hah, unsah Gott, awl dess feel sach es miah gevva henn fa diah en tempel bauwa fa dei Heilichah Nohma, kumd funn dei hand, un's heaht alles zu diah.

2. Chronik 25:9

Da Amazia hott no da mann funn Gott kfrohkt, “Avvah vass veyyich di fimf un sivvatzich hunnaht pund silvah es ich betzawld habb zu di mennah funn Israel?” Da mann funn Gott hott ksawt, “Da Hah kann diah feel may es sell gevva.”

Hiob 34:13

Veah hott eem graft gevva ivvah di eaht? Veah hott een ivvah di gans veld gedu?

Hiob 41:11

Veah hott miah ebbes gevva, es ich een zrikk betzawla sett? Alles unnich em himmel is mei.

Hiob 41:3

Hald eah oh dich frohwa fa bamhatzichkeit? Shvetzt eah zu diah mitt leichti vadda?

Psalm 50:10

Fa alli diah im bush is mei, un aw's fee uf dausends funn hivla.

Psalm 50:12

Vann ich hungahrich veah, dayt ich diah's nett sawwa, fa di veld is mei, un alles es drinn is.

Psalm 89:11

Da himmel un di eaht sinn dei; du hosht di veld gmacht un alles es drinn is.

Psalm 89:12

Di natt un di saut hosht du kshaffa, di Berga Thabor un Hermon singa ivvah dei nohma.

Psalm 98:7

Loss da say roahra un alles es drinn laybt, un aw di veld, un alli-ebbah es drinn voond.

2. Mosi 19:5

So nau vann diah mei shtimm heichet un mei bund haldet, dann sellet diah mei aykni leit sei unnich awl di leit. Di gans eaht is mei,

2. Mosi 9:29

Da Mosi hott no ksawt zu eem, “So kshvind es ich aus di shtatt gay, dann shtrekk ich mei hend naus zumm Hah. No shtobt's gviddah, un's sinn kenn shlohsa may, so es du sayna kansht es di eaht zumm Hah heaht.

Daniel 4:25

Du vasht vekk gedrivva funn di leit un zaylsht layva mitt di vilda diahra; du zaylsht graws fressa mitt em fee un zaylsht nass vadda mitt em dau fumm himmel. Sivva yoah zayld fabei gay biss du bekensht es da Alli-Haychsht gvald hott ivvah di kaynich-reicha funn mensha, un kann si gevva zu ennich ebbah es eah vill.

Micha 4:13

“Shtay uf un dresh, du dochtah Zion, ich gebb diah eisichi hanna, un hoofs gmacht funn bronze. So es du feel heida ufmawla kansht.” Di sacha es si gnumma henn gebsht du zumm Hah; iahra keshtlich sach gebsht du zumm Hah funn di gans veld.

Nahum 1:5

Di berga shidla fannich eem, un di hivla fagayn. Di eaht shiddeld vann eah bei kumd, di veld un awl selli es drinn voona.

1. Korinther 10:26

Fa di eaht heaht zumm Hah, un alles vass drinn is, is sei.

5. Mosi 10:14

Zumm Hah eiyah Gott heaht da himmel un di haychshta himla, di eaht un alles es drinn is.