Psalm 22:6 - Pennsylvania Dutch Bible

⁶ Avvah ich binn en voahm, nett en mensh, leit fashpodda mich, si gukka nunnah uf mich.

Psalm 22:6 Σταυροειδείς Αναφορές

2. Chronik 14:11

No hott da Asa zumm Hah, sei Gott, gebayda un hott ksawt, “Hah, es hott nimmand vi dich fa selli helfa es unni graft sinn geyyich selli es mechtich sinn. Helf uns, oh Hah, unsah Gott, fa miah falossa uns uf dich. In deim nohma sinn miah geyyich dee grohs army kumma. Oh Hah, du bisht unsah Gott; loss kenn mensh dich ivvah-kumma.”

Hiob 25:6

vi feel vennichah da mensh, es is vi veahm aus mukka, un en mensha-kind, es yusht is vi en voahm.”

Psalm 25:3

Selli es iahra hofning in dich doon, zayla nee nett zumm shohm gebrocht sei. Avvah selli es geyyich dich shaffa unni uahsach, zayla sich shemma.

Psalm 31:1

Oh Hah, in dich doon ich mei fadrauwa, loss mich nee nett in shohm gedu vadda; in dei gerechtichkeit mach mich frei.

Psalm 31:11

Ich binn en kshpott zu mei feinda un mei nochbahra lacha ivvah mich; mei freind feicha sich veyyich miah, selli es mich sayna in di shtrohs shpringa fatt.

Psalm 41:5

Mei feinda shvetza evil veyyich miah un sawwa, “Vann zayld eah shtauva un sei nohma fagessa sei?”

Psalm 88:8

Du hosht awl mei freind gmacht mich falossa; du hosht mich grausam gmacht zu eena; ich binn kfanga un kann nett vekk.

Jesoiya 41:14

Feich dich nett, du veahmli Jakob, diah mennah funn Israel. Ich selvaht zayl diah helfa,” sawkt da Hah, dei Frei-Shtellah, da Heilich Gott funn Israel.

Jesoiya 49:7

Dess is vass da Hah sawkt— da Frei-Shtellah un Heilich Gott funn Israel— zu sellah es kast un fa'acht is bei di heida, un es en gnecht is zu roolahs: “Kaynicha zayla dich sayna un zayla uf shtay, un evvahshti zayla dich sayna un zayla fannich dich falla. Dess is veil da Hah, da Shtandhaftich un Heilich Gott funn Israel, dich raus groofa hott.”

Jesoiya 53:3

Eah voah gezayld vi nix, un voah nett ohgnumma bei mensha, en mann mitt dreebsawl un shmatza. Eah voah aynah es leit nett ohgegukt henn. Eah voah gezayld vi drekk, un miah henn nix zu du havva vella mitt eem.

Glawk-Leedah 3:30

Eah sett sich uf da bakka shlauwa lossa, un's ohnemma vann eah faniddaht vatt.

Matthäus 11:19

Da Mensha Sohn is kumma un dutt essa un drinka, un no sawwa si eah is en fressah un en vei-saufah, un is en freind funn di tax-einemmah un sindah. Avvah di veisheit veist sich recht bei vass see dutt.”

Matthäus 12:24

Avvah vo di Pharisayah dess auskfunna henn, henn si ksawt, “Deah kall dutt di deivela ausdreiva mitt di hilf fumm Beelzebub, da haychsht Deivel.”

Johannes 7:15

Di Yudda henn sich fashtaund un henn ksawt, “Vi kann's sei es eah so di Shrift vayst vann eah nee nett ganga voah lanna?”

Johannes 7:20

Di leit henn no ksawt, “Du hosht en deivel! Veah is am gukka fa dich umbringa?”

Johannes 8:48

Di Yudda henn ksawt zu eem, “Sinn miah nett recht fa sawwa es du en Samariddah bisht un hosht en baysah geisht?”

Hebräer 13:12

Un so hott Jesus aw glidda uf di autseit fumm doah, so es eah di leit heilich macha kann deich sei ayya bloot.

Di Offenbarung 15:3

Si henn's leet fumm Mosi, Gott sei gnecht, ksunga, un's leet fumm Lamm, un henn ksawt, “Grohs un vundahboah sinn dei verka, oh Hah Gott, du Awlmechtichah. Gerecht un voahlich sinn dei vayya, du Kaynich funn di leit funn alli lendah.