Psalm 22:11 - Pennsylvania Dutch Bible

¹¹ Bleib nett veit vekk funn miah, fa druvvel is nayksht, un's is nimmand fa helfa.

Psalm 22:11 Σταυροειδείς Αναφορές

2. Kaynicha 14:26

Fa da Hah hott ksenna vi biddahlich es alli-ebbah deich gmacht hott in Israel, un's hott nix aus gmacht eb si bunds-gnechta voahra adda frei, 's voah nimmand fa eena helfa.

Psalm 10:1

Favass shtaysht du veit vekk, oh Hah? Favass fashtekkelsht du dich an di zeit funn druvvel?

Psalm 35:22

Du hosht dess ksenna, oh Hah, sei nett shtill diveyya; bleib nett veit vekk funn miah, oh Hah.

Psalm 38:21

Faloss mich nett, oh Hah, bleib nett veit vekk funn miah, oh mei Gott.

Psalm 69:18

Kumm nayksht zu mei sayl un mach mich frei; mach mich frei funn mei feinda.

Psalm 71:12

Oh Gott, bleib nett veit vekk funn miah; dummel dich, oh mei Gott, un helf miah.

Psalm 71:6

Ich habb mich falossa uf dich evvah siddah es ich geboahra voah; du hosht mich aus mei muddahs-leib gnumma, un ich du dich preisa fa'immah.

Psalm 72:12

Eah macht selli frei es noht henn vann si zu eem roofa, un helft di oahma es kenn hilf henn.

Jesoiya 63:5

Ich habb gegukt, avvah's voah nimmand fa helfa, ich voah fashtaund es nimmand miah bei-kshtanna hott; so hott mei ayknah oahm miah ivvah-hand gevva, mei zann hott miah graft gevva.

Matthäus 26:56

Avvah awl dess hott blatz gnumma so es di Shrift funn di brofayda folfild sei kann.” No henn awl di yingah een falossa un sinn difunn kshprunga.

Matthäus 26:72

Un eah hott's viddah falaykeld un hott kshvoahra un ksawt, “Ich kenn sellah mann nett.”

Matthäus 26:74

No hott eah ohkfanga flucha un shveahra un hott ksawt, “Ich kenn da mann nett.” Un grawt hott da hohna gegrayt.

Johannes 16:32

Di zeit is am kumma, un is nau do, vann diah awl fayawkt vaddet, yaydah ebbah zu sei aykni haymet, un ich va gans laynich glost. Doch, ich binn nett laynich, veil da Faddah bei miah is.

5. Mosi 32:36

Da Hah zayld sei leit richta un zayld bamhatzich sei zu sei gnechta, vann eah saynd es si kenn grefta may henn un's is nimmand may ivvahrich, gebunna adda frei.

Hebräer 5:7

In di dawwa funn seim layva, hott Jesus gebayda un ohkalda mitt en laudi shtimm un mitt awwa-vassah zu demm vo een halda hott kenna fumm doht. Un eah voah keaht gvest veil eah Gott di eah gevva hott.