Psalm 21:3 - Pennsylvania Dutch Bible

³ Du hosht een ohgedroffa mitt goodi sayya, un hosht en krohn funn fei gold uf sei kobb ksetzt.

Psalm 21:3 Σταυροειδείς Αναφορές

2. Samuel 12:30

Eah hott no da krohn ab fumm kaynich sei kobb gnumma—deah krohn hott fimf un sivvatzich pund gvohwa in gold mitt en keshtlichah shtay drinn—un eah voah no uf em Dawfit sei kobb gedu. Eah hott feel shtoft aus di shtatt gnumma.

2. Samuel 2:4

No sinn di mennah funn Juda an Hebron kumma, un datt henn si da Dawfit ksalbt fa kaynich sei ivvah gans Juda. Si henn em Dawfit ksawt es es di mennah funn Jabes in Gilead voahra es da Saul fagrawva henn.

2. Samuel 5:3

So sinn awl di eldishti funn Israel zumm Kaynich Dawfit kumma an Hebron, un da kaynich hott en bund gmacht mitt eena fannich em Hah an Hebron, un si henn da Dawfit ksalbt fa kaynich sei ivvah Israel.

1. Chronik 20:2

Da Dawfit is no kumma un hott da krohn abgnumma fumm kaynich sei kobb. Deah krohn hott fimf un sivvatzich pund gvohwa un voah gmacht aus gold mitt keshtlichi shtay drinn. Deah voah no uf em Dawfit sei kobb gedu. Da Dawfit hott feel sach gnumma aus di shtatt.

2. Chronik 6:41

Nau, oh Hah unsah Gott, shtay uf un kumm zu dei Roo-Blatz, du un di Lawt funn dei Macht. Loss dei preeshtah geglayt sei mitt saylichkeit, oh Hah unsah Gott, un loss dei saylichi sich froiya fa's goodes es du dusht.

Hiob 41:11

Veah hott miah ebbes gevva, es ich een zrikk betzawla sett? Alles unnich em himmel is mei.

Psalm 18:18

Si sinn uf mich lohs kumma vo ich in druvvel voah, avvah da Hah hott bei miah kshtanna.

Psalm 20:5

Miah singa mitt frayt vann eah diah hilf gebt, un im nohma funn unsah Gott hayva miah unsah flag uf. Ich vinsh es da Hah diah alles gebt es du frohksht difoah.

Psalm 31:19

Vi grohs is dei goodes, es du ufkshtoaht hosht fa selli es dich firchta, sell es du veisht fannich leit, un gebsht zu selli es zu diah gayn fa hilf.

Psalm 59:10

Mei Gott in sei grohsi leevi kumd zu miah, Gott lost mich mitt ivvah-hand uf mei feinda gukka.

Römer 11:35

“Adda veah hott eem ebbes kshenkt, so es Gott eem ebbes shuldich voah?”

Römer 2:4

Adda guksht du nunnah uf di reichheit funn sei goot-maynichkeit un geduld? Vaysht du nett es di goot-maynichkeit funn Gott dich an da blatz fiahra sett es du boos dusht?

Epheser 1:3

Glohbt sei Gott un da Faddah funn unsahm Hah Jesus Christus, deah vo uns ksaykend hott in Christus mitt alli geishtlichi sayya in himlishi bletz.

Hebräer 2:9

Avvah miah sayna Jesus, deah vo fa en glenni zeit niddahra gmacht voah es di engel. Eah is nau gekrohnd mitt hallichkeit un eah, veil eah da doht glidda hott. Dess is so es bei di gnawt funn Gott eah da doht ohnemma kann fa alli-ebbah.

Di Offenbarung 19:12

Sei awwa voahra vi flamma funn feiyah un uf seim kobb voahra feel krohna. Eah hott en nohma uf sich kshrivva katt es nimmand vayst vi yusht eah selvaht.

1. Samuel 16:13

Da Samuel hott no's hann mitt ayl gnumma un hott een ksalbt fannich sei breedah, un da Geisht fumm Hah is mechtichlich uf da Dawfit kumma funn sellem dawk on. Da Samuel is no uf kshtanna un is noch Rama ganga.