Psalm 19:9 - Pennsylvania Dutch Bible

⁹ Di furcht fumm Hah is rein, un bleibt fa'immah. Di gerichta fumm Hah sinn voah, un sinn gans gerecht.

Psalm 19:9 Σταυροειδείς Αναφορές

1. Mosi 22:12

Un eah hott ksawt, “Layk dei hand nett uf da boo, un du eem nix. Nau vays ich es du Gott firchsht, veil du nett dei boo, dei aynsishtah boo, zrikk kohva hosht funn miah.”

1. Mosi 42:18

No uf em dridda dawk hott da Joseph ksawt zu eena, “Doond dess un diah kennet layva, fa ich habb en furcht funn Gott:

1. Kaynicha 18:12

Vann ich funn diah vekk gay, dann vays ich nett vo em Hah sei Geisht dich anna drawwa mecht. No vann ich gay un dess sawk zumm Ahab un eah kann dich nett finna, no macht eah mich doht. Du vaysht es ich, dei gnecht, da Hah gedeend habb funn yungem uf.

Nehemia 5:15

Avvah selli es govvenahs voahra eb ich henn en shveah gvicht uf di leit gedu. Si henn fatzich shtikkah silvah gnumma funn eena un aw ess-sach un vei. Iahra hilf hott aw di leit veesht nunnah gedrikt kalda. Avvah ich habb nett so gedu veil ich Gott kfircht habb.

Psalm 10:5

Sei vayya drayya immah goot aus; eah is grohs-feelich un dei gericht is veit vekk funn vass eah fashtayt; eah macht shpott funn sei feinda.

Psalm 111:10

Di furcht fumm Hah is da ohfang funn veisheit, goodi eisicht henn selli es sei gebodda doon. Lohb sei zu eem fa'immah!

Psalm 115:13

Eah saykend selli es da Hah firchta, di grohsa un di glenna.

Psalm 119:1

Ksaykend sinn selli es en unshuldich layva fiahra, selli es lawfa im ksetz fumm Hah.

Psalm 119:106

Ich habb kshvoahra, un zayl's du, es ich dei gerechti adnunga halda zayl.

Psalm 119:111

Dei zeiknisa sinn mei eahbshaft fa'immah, fa si sinn di frayt funn meim hatz.

Psalm 119:142

Dei gerechtichkeit is en ayvichi gerechtichkeit, un dei ksetz is voahheit.

Psalm 119:39

Nemm vekk da shohm es ich feich, fa dei adnunga sinn goot.

Psalm 119:62

Am halb-nacht shtayn ich uf un dank dich, fa dei gerechti adnunga.

Psalm 119:7

Ich zayl dich danka mitt en ufrichtich hatz, vann ich di adnunga funn dei gerechtichkeit lann.

Psalm 119:75

Oh Hah, ich vays es dei richta gerecht sinn, un es du mich gedaymeedicht hosht veil du shtandhaftich bisht.

Psalm 12:7

Du, oh Hah, haldsht si aus di kfoah, un heetsht uns funn di leit funn dee zeit fa'immah.

Psalm 147:19

Eah fakindicht sei vatt zumm Jakob, sei gebodda un adnunga zu Israel.

Psalm 36:1

Di sind shvetzt zu di ungettlicha deef in iahra hatza, es is kenn furcht funn Gott fannich iahra awwa.

Psalm 36:6

Dei gerechtichkeit is vi di berga funn Gott, un dei gericht vi da deef say. Oh Hah, du gebsht acht uf di mensha un's fee.

2. Mosi 21:1

“Nau dess sinn di adnunga es du fannich si setza solsht:

Shpricha 8:13

Di furcht fumm Hah maynd du hasht evil; ich hass shtolsheit un hohchmoot, en evil layves-lawf un falshi kshvetzah.

Jesoiya 26:8

Miah voahra uf dich, oh Hah, diveil es miah in dei gericht lawfa. Miah vella an dich un an dei nohma denka, sell is unsah falanga im hatz.

Jesoiya 45:19

Ich habb nett hinna rumm kshvetzt, funn eiyets es es dunkel is; ich habb nett ksawt zumm Jakob sei nohch-kummashaft, ‘Suchet mich vo nix is.’ Ich binn da Hah un sawk di voahheit; ich sawk vass recht is.

Di Apostelgeschichte 10:22

Di mennah henn ksawt, “Da Kornelius da hauptmann, is en gerechtah mann un eah hott di furcht Gottes in sich. Awl di Yudda leit doon feel denka funn eem. Gott hott eem ksawt deich en heilichah engel fa dich hohla zu sei haus, un heahra vass du hosht zu sawwa.”

Römer 11:22

Diah kennet sayna es Gott bamhatzich is, avvah eah is aw shtreng. Eah is shtreng geyyich selli es kfalla sinn, avvah bamhatzich zu eich, sell is, vann diah ohhaldet in sei bamhatzichkeit. Avvah vann nett, dann vaddet diah aw abkshnidda.

Römer 2:2

Miah vissa es Gott sei gericht funn di voahheit is uf leit es so sacha doon.

5. Mosi 4:8

Un vass fa annah grohs folk hott gebodda un adnunga es so gerecht sinn es dess gans ksetz es ich am fannich eich setza binn heit?

Di Offenbarung 15:3

Si henn's leet fumm Mosi, Gott sei gnecht, ksunga, un's leet fumm Lamm, un henn ksawt, “Grohs un vundahboah sinn dei verka, oh Hah Gott, du Awlmechtichah. Gerecht un voahlich sinn dei vayya, du Kaynich funn di leit funn alli lendah.

Di Offenbarung 16:7

Un ich habb en anra keaht sawwa aus em awldah, “Yau, Hah, du Awlmechtichah Gott, dei gerichta sinn voahhaftich un gerecht.”

Di Offenbarung 19:2

fa sei richtes is voah un gerecht. Eah hott di grohs huah kshtrohft es di veld fashmiaht hott mitt iahra huahrahrei, un is ayva kumma mitt iahra fa's bloot funn sei gnechta.”

1. Samuel 12:24

Haldet oh da Hah firchta un een deena in di voahheit mitt eiyah gans hatz, un denket droh an di vundahboahra sacha es eah gedu hott fa eich.