Psalm 18:8 - Pennsylvania Dutch Bible

⁸ Shmohk is aus sei naws kumma; feiyah es sacha ufbrend is aus seim maul kumma, un flamm funn di kohla is funn eem kumma.

Psalm 18:8 Σταυροειδείς Αναφορές

1. Mosi 19:28

No hott eah nunnah geyyich Sodom un Gomorra un geyyich awl's land funn di valley gegukt. Un eah hott dikkah shmohk ksenna ruff gay fumm land vi shmohk funn en offa.

Hiob 41:19

Flamma kumma aus sei maul; feiyahrichi funka fleeya raus.

Psalm 104:32

Eah gukt an di eaht, un si ziddaht, eah raykt di berga oh, un si shmohka.

Psalm 11:6

Uf di gottlohsa reyyaht eah feiyahrichi kohla un brennichah shvevvel. Iahra dayl zayld haysah vind sei.

Psalm 21:9

Du machsht si vi en feiyahrichah offa vann du dich moll veisht. In seim zann zayld da Hah si ufshlukka; un feiyah brend si uf.

Psalm 50:3

Unsah Gott kumd, un eah is nett shtill; feiyah es frest gayt fannich eem heah, un en grohsah shtoahm is um een rumm.

Psalm 74:1

Oh Gott, favass hosht du uns falossa vi dess fa'immah? Favass shmohkt dei zann geyyich di shohf funn dei vayt-feld?

Jesoiya 24:18

Selli es shpringa funn di shreklich yacht funn furcht, zayla in's pitt-loch falla, un selli es aus em loch gradla, zayla kfanga sei mitt em fang-shtrikk. Di fenshtahra fumm himmel vadda uf gmacht, un da fuddah funn di eaht zayld shidla.

Daniel 7:10

En revvah funn feiyah voah am lawfa, un is fannich eem raus kumma. Dausends un dausends henn een gedeend, un zeyya dausend mohl zeyya dausend henn fannich eem kshtanna. Di richtah henn sich anna kokt, un di bichah voahra uf gmacht.

3. Mosi 10:2

No is feiyah raus kumma fumm Hah un hott si ufgebrend, un si sinn kshtauva fannich em Hah.

Amos 4:11

“Ich habb eich unnah gay gmacht, vi ich Sodom un Gomorra unnah gay gmacht habb. Diah voahret vi en brennichah shtekka es fumm feiyah gnumma voah, doch sind diah nett zrikk zu miah gedrayt,” sawkt da Hah.

4. Mosi 11:1

Nau di leit henn geglawkt veyyich vi hatt es si's henn, un da Hah hott's keaht. Vo eah dess keaht hott, hott sei zann gebrend. No is feiyah fumm Hah kumma un hott ohkfanga brenna. Dayl funn di bletz am ausahsht end funn di camps nohch sinn fabrend vadda.

4. Mosi 16:35

Feiyah is aw fumm Hah kumma un hott di zvay hunnaht un fuftzich mennah ufgebrend es am insens opfahra voahra.

5. Mosi 29:20

Da Hah zayld nett gnaydich sei zu so en mann, avvah sei haysah zann zayld brenna geyyich een. Awl di flucha in demm buch zayla uf een falla, un da Hah reibt sei nohma aus unnich em gansa himmel.

Di Offenbarung 11:5

Vann ennich ebbah ebbes du vill zu eena fa si vay du, dann kumd feiyah aus iahra meilah un fazeaht iahra feinda. Vann ennich ebbah ebbes du vill zu eena, dann muss eah sellah vayk doht gmacht vadda.