Psalm 18:2 - Pennsylvania Dutch Bible

² Da Hah is vi en felsa un en shteik greeks-haus zu miah. Eah macht mich frei. Mei Gott is vi en felsa es ich hinna droh shtay kann unni kfoah. Eah is mei shield un's greftich hann funn mei saylichkeit, mei shteikah helfah.

Psalm 18:2 Σταυροειδείς Αναφορές

2. Samuel 22:3

Mei Gott is mei Felsa, vo ich mich fashtekla kann, mei Shield, un's Hann funn mei Saylichkeit. Eah is mei shteikah Roo-Blatz, un mei Fashtekkel-Blatz, mei Heiland es mich vekk hald funn fechtichi mennah.

Psalm 116:1

Ich leeb da Hah, veil eah mei shtimm un mei gebayt keaht hott.

Psalm 132:17

Datt zayl ich's hann fumm Dawfit vaxa macha; ich habb en licht ufkokt fa mei ksalbdah.

Psalm 144:2

Da Hah is en Felsa un en shteik greeks-haus zu miah, eah is en shteik gebei un eah setzt mich frei. Eah is mei shield un hald mich aus di kfoah, eah dutt di leit ivvah-kumma un dutt si unnich mich.

Psalm 19:14

Loss di vadda funn mei maul, un di gedanka funn mei hatz, diah kfellich sei, oh Hah, mei Felsa un mei Frei-Shtellah.

Psalm 28:1

Vann ich roof zu diah, oh Hah, mei Felsa, dray nett en dawb oah zu miah; fa vann du shtill bleibsht, dann vatt ich vi selli es nunnah in's grawb gayn.

Psalm 59:11

Mach si nett doht, adda mei leit mechta fagessa, avvah shtroi si ausnannah mitt dei macht, un bring si niddah, oh Hah un unsah shield.

Psalm 62:2

Eah laynich is mei Felsa, mei Saylichkeit, un mei feshtah Roo-Blatz. Ich zayl nee nett shtolbahra adda falla.

Psalm 62:7

In Gott is mei saylichkeit un mei eah, eah is mei grohsah Felsa un mei shteikah Roo-Blatz.

Psalm 75:10

Eah zayld di hanna funn di gottlohsa abshneida, avvah di hanna funn di gerechta zayla uf kohva sei.

Psalm 91:2

Ich zayl zumm Hah sawwa, “Du bisht mei sayfah Roo-Blatz, un mei shteik Greeks-Haus; du bisht mei Gott es ich drauwa du.”

Psalm 91:4

Eah dekt dich zu mitt sei feddahra, un du bisht aus di kfoah unnich sei flikkel; sei voahheit is en dach un en shield.

2. Mosi 15:2

Da Hah gebt miah grefta, un macht mich singa. Eah macht mich saylich. Eah is mei Gott, un ich vill eem lohb gevva, eah is mei faddah sei Gott, un ich hayb een hohch uf.

Shpricha 18:10

Da nohma fumm Hah is vi en shteikah tavvah, en gerechtah mann kann datt anna shpringa un is sayf.

Shpricha 2:7

Eah shtoaht veisheit uf fa selli es ufrichtich sinn, un is en shield fa selli es lawfa in unshuld,

Jesoiya 32:2

Yaydahs funn eena zayld sei vi en blatz aus em vind, vi en blatz es ma sich fashtekla kann fumm shtoahm, vi en vassah-grikk es lawft in en drukka land, un vi da shadda funn en grohsah felsa in en drukkanah blatz.

Jeremia 16:19

Oh Hah, du bisht mei graft un mei hilf, zu diah kann ich shpringa vann ich in di kfoah binn; di heida zayla zu diah kumma, fumm end funn di eaht kumma si un sawwa, “Unsah feddah henn nix katt es yusht falshi gettah, gleichnisa es eena nett helfa henn kenna.

Hebräer 2:13

Eah sawkt viddah, “Ich du mei fadrauwa uf een setza,” un viddah, “Gukk moll, do binn ich un di kinnah es Gott miah gevva hott.”