Psalm 17:3 - Pennsylvania Dutch Bible

³ Du hosht mei hatz ausbroviaht; du bisht zu miah kumma deich di nacht; du hosht mich broviaht un hosht nix kfunna. Ich habb ausgmacht es mei maul zayld nett sindicha.

Psalm 17:3 Σταυροειδείς Αναφορές

1. Chronik 28:9

Un du, mei boo Solomon, lann da Gott funn dei faddah kenna un deen een mitt dei gans hatz un mitt en villichi sayl. Fa da Hah sucht di hatza aus, un fashtayt alles es di gedanka im sinn henn. Vann du een suchsht, zaylsht du een finna; avvah vann du een falosht, dann shtohst eah dich vekk fa'immah.

1. Chronik 29:17

Ich vays, oh mei Gott, es du's hatz ausbroviahsht un froh bisht vann du's ufrichtich findsht. Ich habb awl dee sacha frei-villich gevva mitt en ufrichtich hatz. Nau habb ich ksenna mitt frayt vi frei-villich es dei leit do gevva henn zu diah.

Hiob 23:10

Avvah eah vayst da vayk es ich gay; vann eah mich moll broviaht hott, dann kumm ich raus vi pyuah gold.

Hiob 24:14

Da doht-shlayyah shtayt uf meiyets am dawk, eah macht selli doht es oahm un in noht sinn, un nacht's shtayld eah vi en deeb.

Psalm 11:5

Da Hah broviaht di gerechta un di gottlohsa aus, un selli es gvald gleicha dutt em Hah sei sayl hassa.

Psalm 119:106

Ich habb kshvoahra, un zayl's du, es ich dei gerechti adnunga halda zayl.

Psalm 139:1

Oh Hah, du hosht mich innahlich ausksucht, un du kensht mich.

Psalm 139:23

Gukk in mei innahlichah mensh, oh Gott, un sayn vass in meim hatz is, broviah mich un sayn mei engshtlichi gedanka.

Psalm 16:7

Ich lohb da Hah es miah roht gebt, even deich di nacht dutt mei hatz mich lanna.

Psalm 26:2

Gukk mich ivvah, oh Hah, un broviah mich aus, broviah mei hatz un mei meind aus.

Psalm 39:1

Ich habb miah dess foah-gnumma: Ich zayl mei vayya heeda, so es ich nett sindich mitt mei zung. Ich hald mei maul shtill, so lang es di ungettlicha um mich rumm sinn.

Psalm 66:10

Fa du hosht uns ausbroviaht, oh Gott; du hosht uns greinicht vi silvah.

Psalm 7:4

vann ich letz gedu habb zu demm es freindlich is zu miah, adda sellah grawbt habb es mei feind is unni uahsach,

Shpricha 13:3

Veah sei maul heet, hald sei layva aus di kfoah, avvah veah sei kshvetz nett heet, kumd zu nix.

Jeremia 12:3

Doch, du kensht mich, oh Hah; du saynsht mich un broviahsht di gedanka in meim hatz veyyich diah. Shlayf si vekk vi shohf es gebutshaht vadda! Setz si raus fa da shlacht-dawk!

Jeremia 50:20

In selli dawwa un an selli zeit,” sawkt da Hah, “zayld's ksucht vadda fa Israel iahra sinda, avvah's vadda kenni kfunna, un aw fa Juda iahra sinda un's vadda kenni kfunna, veil ich selli leit fagebb es ich ivvahrich glost habb.

Hosea 7:6

Iahra hatza sinn hays vi da bakk-offa, mitt iahra evili shkeems. Si lossa iahra zann shlohfa nachts vi en zu gedekt feiyah, avvah meiyets brend eah mitt en grohsi flamm.

Micha 2:1

Vi shlecht zayld's sei fa selli es vakkah leiya, selli es shkeema in iahra beddah fa evil du! Vann meiyet kumd, dann gayn si un doon's, veil si di macht henn fa's du.

Sacharia 13:9

Dess driddel dayl zayl ich deich's feiyah du, un's reinicha vi ma silvah shmelst un's reinich macht, un aw vi gold greinicht vatt. Si zayla mei nohma ohroofa, un ich gebb eena andvat. Ich zayl sawwa, ‘Si sinn mei leit,’ un si sawwa, ‘Da Hah is unsah Gott.’”

Maleachi 3:2

Avvah veah kann's leida uf em dawk es eah kumd? Veah kann shtay vann eah sich veist? Fa eah is vi's feiyah es gold reinich macht un vi di sayf fumm glaydah veshah.

Di Apostelgeschichte 11:23

Vo da Barnabas hee kumma is, hott eah di gnawdi Gottes ksenna un voah froh. Eah hott eena zu kshprocha es si mitt iahrem gans hatz fesht am Hah bleiva sella.

Di Apostelgeschichte 16:9

Datt is en vision zumm Paulus kumma in di nacht. Eah hott en mann funn Matzedonia ksenna datt shtay. Deah mann hott ohkalda an eem un hott ksawt, “Kumm do rivvah an Matzedonia un helf uns.”

1. Korinther 4:4

Ich vays nix es geyyich mich is, avvah sell is nett vass mich gerecht macht. Es is da Hah vo mich richta dutt.

2. Korinther 1:12

Nau dess is unsah frayt: unsah innahlich zeiknis sawkt uns es miah henn uns uf kfiaht in di veld mitt heilichkeit un gettlichah eahnsht, nett mitt menshlichi veisheit avvah in di gnawt funn Gott; un unsah lawf voah even may so geyyich eich.

Jakobus 3:2

Fa miah doon awl feel shtolbahra. Vann ebbah kenn faylah hott in vass eah sawkt is eah en folkummanah mann un kann sei gans leib eigraynd halda.

1. Petrus 1:7

Dee sacha kumma so es eiyah glawva—vo may veaht is es gold vass fagayt, un vass broviaht vatt deich feiyah—shtandhaftich kfunna sei kann zumm lohb, hallichkeit un eah, vann Jesus Christus moll kumd,

1. Samuel 24:10

Heit hosht du ksenna mitt dei aykni awwa vi da Hah dich in mei hend gedu hott im felsa-loch. Samm henn havva vella es ich dich doht mach, avvah ich habb dich gedavvaht un habb ksawt, ‘Ich shtrekk mei hand nett geyyich mei meishtah, fa eah is em Hah sei ksalbdah.’

1. Samuel 24:12

Loss da Hah richta zvishich miah un diah. Un loss da Hah zrikk betzawla fa's letza es du miah gedu hosht, avvah mei hand zayld nett geyyich dich sei.

1. Samuel 26:11

Avvah loss da Hah mich halda funn mei hand uf em Hah sei ksalbdah layya. Nau grikk sei shpiah un da vassah-tsheah nayksht an seim kobb un vella gay.”

1. Samuel 26:23

Da Hah betzawld yaydah mann fa sei gerechtichkeit un shtandhaftichkeit. Da Hah hott dich ivvah-gedrayt in mei hand heit, avvah ich habb's nett gedu fa mei hand naus shtrekka geyyich em Hah sei ksalbdah.