Psalm 16:5 - Pennsylvania Dutch Bible

⁵ Da Hah is mei dayl funn di eahbshaft. Du veisht miah vi zu gay, un haldsht mei dayl fa mich.

Psalm 16:5 Σταυροειδείς Αναφορές

Psalm 11:6

Uf di gottlohsa reyyaht eah feiyahrichi kohla un brennichah shvevvel. Iahra dayl zayld haysah vind sei.

Psalm 116:13

Ich zayl's kobli funn di saylichkeit uf hayva, un zayl da nohma fumm Hah ohroofa.

Psalm 119:57

Du bisht mei dayl, oh Hah, un ich fashprech fa dei vadda halda.

Psalm 125:3

Da zeptah funn di gottlohsa zayld nett ivvah's land bleiva es gevva is zu di gerechta, adda di gerechta mechta iahra hend naus shtrekka un letz du.

Psalm 132:11

Da Hah hott kshvoahra zumm Dawfit, un funn demm drayt eah sich nett zrikk: “Ich zayl aynah uf dei kaynich-shtool setza, aynah es kumd aus deim leib.

Psalm 142:5

Ich roof zu diah, oh Hah, ich sawk, “Du bisht mei Roo-Blatz, mei dayl im land funn di levendicha.”

Psalm 2:6

“Ich habb mei Kaynich eiksetzt uf mei heilichah hivvel funn Zion.”

Psalm 23:5

Du risht en dish fa mich fannich mei feinda; du salbsht mei kobb mitt ayl. Mei kobli lawft ivvah.

Psalm 73:26

Mei leib un mei hatz mechta shvach vadda, avvah Gott is di graft funn meim hatz un mei dayl fa'immah.

Psalm 89:4

‘Ich zayl dei sohma ufsetza fa'immah, un dei kaynich-shtool ufbauwa ayvichlich.’” (Sela)

Psalm 9:4

Du hosht miah kolfa mei recht greeya un hosht ufkshtanna fa mei sacha. Du hosht uf em richtah-shtool kokt un gricht vass recht voah.

Jesoiya 42:1

“Gukket moll, do is mei gnecht, deah es ich ufshtay difoah un fashteik, mei raus-groofanah, deah es ich frayt habb drinn. Ich habb mei Geisht uf een gedu; eah zayld recht richtes zu di heida bringa.

Jesoiya 53:12

Fasell gebb ich eem en dayl unnich di hohch-gachta, un sell es gnumma vatt zayld eah fadayla mitt di mechticha, veil eah sei layva ausgleaht hott zumm doht un voah gnambaht mitt di sindah. Eah hott di sinda gedrawwa fa feel, un hott gebayda fa di ivvah-dreddah.

Jeremia 10:16

Da Gott fumm Jakob is nett vi dee; eah is sellah es alles kshaffa hott, un eah hott's kshlecht funn Israel, sei aykni leit gmacht. Sei nohma is da Awlmechtich Hah!

Glawk-Leedah 3:24

Mei sayl sawkt, “Da Hah is mei dayl, fasell doon ich mei hofning in een.”

Di Apostelgeschichte 2:32

Gott hott deah Jesus uf gvekt funn di dohda, miah henn awl dess ksenna.

Di Apostelgeschichte 5:31

Mitt sei rechtsi hand hott Gott een uf kohva fa en Kaynichs-Sohn un Heiland sei, so es deich een, di leit funn Israel boos du kenna un iahra sinda fagevva greeya.

1. Korinther 15:25

Eah muss ivvah-sayna biss Gott awl funn Christus sei feinda unnich sei fees gedu hott.

Epheser 5:18

Un vaddet nett ksoffa mitt vei, fa sell is kenn fashtand, avvah vaddet kfild mitt em Geisht.

5. Mosi 18:2

Si sella kenn eahbshaft havva unnich iahra breedah; da Hah is iahra eahbshaft vi eah fashprocha hott zu eena.

5. Mosi 32:9

Dess voah veil em Hah sei dayl sei aykni leit sinn, da Jakob is sei eahbshaft.

Joshua 22:25

Da Hah hott da Jordan Revvah gmacht fa en lein zvishich uns un eich leit fumm Ruben un em Gad. Diah hend nix zu du mitt em Hah.’ So mecht eiyah nohch-kummashaft unsah nohch-kummashaft macha ufheahra da Hah deena.

Joshua 22:27

Nay, dess voah fa en zeiknis zvishich uns un eich un unsah nohch-kummashaft, es miah da Hah deena fannich eem mitt brand-opfahra, dank-opfahra un anri opfahra. No shpaydah kenna eiyah kinnah nett sawwa zu unsahri, ‘Diah hend nix zu du mitt em Hah.’