Psalm 148:8 - Pennsylvania Dutch Bible

⁸ aw feiyah, shlohsa, shnay un volka, shtoahmichah vind es dutt vi eah sawkt,

Psalm 148:8 Σταυροειδείς Αναφορές

1. Mosi 19:24

No hott da Hah shvevvel un feiyah fumm Hah aus em himmel runnah uf Sodom un Gomorra greyyaht.

Hiob 37:12

Eah macht di volka sich rumm drayya, ivvahrawlich ivvah di gans eaht; si doon vass-evvah es eah havva vill.

Psalm 103:20

Lohvet da Hah, diah sei engel, diah mechtichi es sei gebodda ausrichtet, un doond vass sei vatt sawkt.

Psalm 18:12

Di helling fannich eem hott di volka vekk grold; shlohsa un kohla mitt feiyah sinn raus kumma.

2. Mosi 10:13

So hott da Mosi sei shtokk uf kohva ivvah's land funn Egypta. Un sellah gans dawk un di neksht nacht hott da Hah gmacht en east vind ivvah's gans land blohsa. Un da neksht meiya hott da east vind di hoi-shrekka gebrocht.

2. Mosi 10:19

No hott da Hah da vind gedrayt so es en shteikah vind funn di west voah. Sellah vind hott di hoi-shrekka uf gnumma un hott si in da Roht Say geblohsa, so es nett ay hoi-shrekk ivvahrich voah im land funn Egypta.

2. Mosi 14:21

No hott da Mosi sei hand naus ivvah da say kshtrekt, un da Hah hott da say zrikk kshohva mitt en shteikah east vind deich di gans nacht. Eah hott da say in drukka land gmacht un hott's vassah fadayld.

Jesoiya 66:16

Fa mitt feiyah un mitt em shvatt, zayld da Hah di gans eaht richta, un feel leit vadda umgebrocht beim Hah.

Joel 2:30

Ich zayl vundahboahri sacha veisa im himmel un aw uf di eaht, so vi bloot un feiyah un shmohk.

3. Mosi 10:2

No is feiyah raus kumma fumm Hah un hott si ufgebrend, un si sinn kshtauva fannich em Hah.

Amos 4:13

Sellah es di berga un da vind macht, eah lost da mensh vissa vass eah im sinn hott, sellah es da meiya-roht zu dunkel drayt, un lawft in di hohcha bletz funn di eaht— eah hayst Gott, da Awlmechtich Hah.

Amos 7:4

No hott da Awlmechtich Hah miah dess gvissa: Da Awlmechtich Hah voah am roofa fa shtrohfa mitt feiyah. Es feiyah hott da deef say unnich di eaht ufgedrikkeld un hott ohkfanga's land uf fressa.

Jona 1:4

No hott da Hah en shteikah vind uf da say kshikt, un's is so en mechtichah shtoahm uf kumma es es shiff im kfoah voah funn fabrecha.

Jona 1:5

Di shaff-leit im shiff henn sich oahrich kfeicht, un yaydahs funn eena hott naus zu seim ayknah gott groofa. No henn si's sach vo im shiff voah naus in da say kshmissa fa's shiff leichtah macha. Avvah da Jona voah nunnah in's shiff ganga, hott sich anna glaykt un's is en deefah shlohf ivvah een kumma.

4. Mosi 16:35

Feiyah is aw fumm Hah kumma un hott di zvay hunnaht un fuftzich mennah ufgebrend es am insens opfahra voahra.

Joshua 10:11

Vi si kshprunga sinn funn Israel uf em vayk nunnah funn Beth-Horon hott da Hah grohsi shtay fumm himmel runnah uf si kshmissa biss an Azekah. Un may funn eena voahra doht gmacht funn di shlohsa es di Israeliddah doht gmacht henn mitt em shvatt.

Di Offenbarung 16:21

Grohsi shlohsa, so grohs es en hunnaht pund, sinn aus em himmel uf leit kfalla. Un leit henn Gott faflucht veyyich em blohk funn di shlohsa veil da blohk so shreklich voah.