Psalm 148:13 - Pennsylvania Dutch Bible

¹³ Loss si da nohma fumm Hah lohva, fa sei nohma laynich is uf kohva; sei hallichkeit is ovvich di eaht un em himmel.

Psalm 148:13 Σταυροειδείς Αναφορές

1. Chronik 29:11

Zu diah, oh Hah, heaht di eah un di graft, di hallichkeit, di kaynich-eah, un alles es im himmel un uf di eaht is. Zu diah, oh Hah, heaht's Kaynich-Reich un du bisht da evvahsht ivvah alles.

Psalm 108:4

Fa dei shtandhaftichi-leevi langd nuff ovvich da himmel, un dei voahheit biss an di volka.

Psalm 113:4

Da Hah is hohch ivvah awl di heida, sei hallichkeit is ovvich di himla.

Psalm 150:6

Lohvet da Hah, alles es ohften hott! Halleluja!

Psalm 57:6

Si henn iahra net ksetzt fa mei shritt fanga, un mei sayl is niddah gebikt. Si henn en loch gegrawva in mei pawt, avvah si selvaht sinn nei kfalla. (Sela)

Psalm 72:19

Glohbt is sei hallichah nohma fa'immah; loss di gans eaht kfild sei mitt sei hallichkeit. Amen! Amen!

Psalm 8:1

Oh Hah, unsah Hah, vi hallich is dei nohma in di gans eaht. Du hosht dei hallichkeit ovvich awl di himla ksetzt.

Psalm 8:2

Aus di meilah funn kinnah un glenni boblen, hosht du macht zugricht geyyich selli es geyyich dich sinn, so es dei feinda un selli es ayva kumma vella shtill sei missa.

Psalm 8:9

Oh Hah, unsah Hah, vi hallich is dei nohma in di gans eaht!

Psalm 99:9

Hayvet da Hah unsah Gott uf, deenet een an sei heilichah berg. Fa da Hah unsah Gott is heilich.

Hohches Leet 5:16

Sei maul is sees un alles an eem is leeblich. Dess is mei beleebdah, mei freind, diah yungi mayt funn Jerusalem.

Hohches Leet 5:9

Vi is dei beleebdah bessah es anri, du shenshti unnich veibsleit? Vi is dei beleebdah bessah es anri, es du dess frohksht funn uns?

Jesoiya 12:4

In sellah dawk zaylet diah sawwa, “Gevvet dank zumm Hah; roofet sei nohma oh; losset's vissa gmacht unnich di heida vass eah gedu hott, un sawwet eena vi grohs es eah is.

Jesoiya 33:5

Da Hah is hohch-geaht, fa eah voond drovva in di hay, eah zayld Zion uf filla mitt gericht un gerechtichkeit.

Jesoiya 6:3

Si henn zu nannah groofa un henn ksawt, “Heilich, heilich, heilich is da Awlmechtich Hah; di gans eaht is kfild mitt sei hallichkeit.”

Sacharia 9:17

Vi shay un leeblich zayla si sei! Di frucht fumm land un neiyah vei macht iahra yungi boova un mayt bleeya.

Matthäus 6:13

Un fiah uns nett in di fasuchung, avvah hald uns fumm evila. Fa dei is es Reich, di graft, un di hallichkeit in ayvichkeit. Amen.

Epheser 4:10

Deah vo nunnah ganga is, is aw da vann vo nuff, vay ovvich di evvahshta himla ganga is, so es eah alles uf filla kann.)

Philipper 3:8

Un may vi sell, ich acht alles es vi nix nayvich demm graysah ding; naymlich, es ich mei Hah, Jesus Christus kenn. Fa een habb ich alli sacha faloahra un ich acht si awl es vi drekk, so es ich Christus havva kann,

1. Petrus 3:22

deah vo in da Himmel ganga is un is uf di rechts seit funn Gott. Datt sinn di engel un alli gvald un macht unnich eem.