Psalm 146:4 - Pennsylvania Dutch Bible

⁴ Vann iahra geisht si falost, dann vadda si viddah eaht, uf sellah dawk drayt alles zu nix es si im sinn henn zu du.

Psalm 146:4 Σταυροειδείς Αναφορές

1. Mosi 2:7

No hott Gott da Hah samm shtawb fumm grund gnumma un hott en mensh gmacht. Eah hott en levendichah ohften in sei naws kshnauft, un da mensh is en levendichi sayl vadda.

1. Mosi 3:19

Deich da shvitz funn deim ksicht solsht du dei ess-sach fadeena biss du viddah zu eaht draysht, veil du funn di eaht kumsht. Du bisht eaht, un solsht viddah eaht vadda.”

1. Mosi 6:17

Un heich moll, ich loss en sindfloot funn vassah uf di eaht kumma. Dess macht awl flaysh doht es shnauft un layva hott unnich em himmel. Alles uf di eaht vatt doht gmacht.

Hiob 14:10

Avvah da mensh shteahbt un is anna glaykt; eah heaht uf shnaufa, un vo is eah?

Hiob 14:21

Sei boova greeya grohsi eah, avvah eah vayst's nett; vann si niddah gebrocht vadda, dann dutt eah's nett sayna.

Hiob 17:1

“Mei ohften is shvach; mei dawwa zayla nett lang sei, 's grawb is am voahra fa mich.

Hiob 17:11

Mei dawwa sinn faddich; vass ich du habb vella is zu nix kumma, un awl sell es in meim hatz voah.

Hiob 27:3

so lang es ich layva habb in miah, un da ohften funn Gott in mei naws is,

Psalm 104:29

Vann du dei ksicht fashtekkelsht, dann feicha si sich. Vann du iahra ohften vekk nemsht, dann gayn si doht un fagayn, un drayya zrikk zu shtawb.

Psalm 33:10

Da Hah macht da roht funn di heida zu nix kumma, un fadaubt vass di leit im sinn henn fa du.

Psalm 90:3

Du draysht da mensh zrikk zu shtawb, un sawksht, “Drayyet viddah zrikk, oh kinnah funn mensha.”

Breddichah 12:7

eb da shtawb zrikk drayt zu grund, vo eah bei kumma is un eb da geisht zrikk gayt zu Gott, deah es een gevva hott.

Breddichah 9:6

Iahra leevi un hass un fagunsht sinn shund lang faganga; si zayla kenn dayl may havva mitt ennich ebbes es es gebt unnich di sunn.

Jesoiya 2:22

So heahret uf eiyah fadrauwa in da mensh du, deah es yusht en ohften in di naws is. Vass is eah veaht?

Glawk-Leedah 4:20

Em Hah sei ksalbdah, deah ohften funn unsah layva, voah kfanga in iahra falla. Veyyich eem henn miah als ksawt, “Unnich seim shadda zayla miah layva mitt di heida um uns rumm.”

Daniel 5:23

In blatz funn sell hosht du dich ufkokt geyyich da Hah fumm himmel. Du hosht's ksha funn seim tempel do zu diah bringa glost, un du un dei evvahshti, eiyah veivah un dei nayva-veivah henn vei raus gedrunka. Diah hend di gettah funn silvah, gold, bronze, eisa, hols un shtay gepreist, dee es nett sayna, heahra adda fashtay kenna. Du hosht Gott nett di eah gevvah, deah es dei layva un dei vayya in sei hand haybt.

1. Korinther 2:6

Doch, unnich dee vo folkumma sinn doon miah veisheit breddicha, avvah nett di veisheit funn deahra veld, un aw nett funn di roolahs funn deahra veld, dee vo zu nix kumma.