Psalm 143:7 - Pennsylvania Dutch Bible

⁷ Gebb miah kshvind andvat, oh Hah, mei geisht hott kenn hofning. Fashtekkel dei ksicht nett funn miah, adda ich va vi selli es nunnah in's grawb gayn.

Psalm 143:7 Σταυροειδείς Αναφορές

Psalm 102:2

Fashtekkel dei ksicht nett funn miah, an di zeit funn mei noht. Dray dei oah zu miah, un gebb miah kshvind andvat vann ich roof.

Psalm 22:24

Eah hott sellah nett fa'acht un nunnah gedrayt, es am leida un deich macha is. Eah hott sei ksicht nett fashtekkeld funn eem, avvah eah hott's keaht vo eah groofa hott zu eem.

Psalm 27:9

Fashtekkel dei ksicht nett funn miah, dray dei gnecht nett vekk in zann; du es mei hilf voahsht. Faloss mich nett, un loss mich nett hokka, oh Gott funn mei saylichkeit.

Psalm 28:1

Vann ich roof zu diah, oh Hah, mei Felsa, dray nett en dawb oah zu miah; fa vann du shtill bleibsht, dann vatt ich vi selli es nunnah in's grawb gayn.

Psalm 40:17

Ich binn oahm un in noht; avvah da Hah denkt an mich. Du bisht mei hilf un machsht mich frei, oh mei Gott, fasaum dich nett.

Psalm 69:17

Fashtekkel dei ksicht nett funn deim gnecht; gebb miah kshvind andvat, fa ich binn in druvvel.

Psalm 69:18

Kumm nayksht zu mei sayl un mach mich frei; mach mich frei funn mei feinda.

Psalm 69:3

Ich binn ausgvoahra funn roofa fa hilf, mei hals is oahrich drukka. Mei awwa sinn am dunkel vadda, am voahra uf mei Gott.

Psalm 70:5

Avvah ich binn shvach un habb noht; kumm kshvind zu miah, oh Gott. Du bisht mei hilf un machsht mich frei, oh Hah, voaht nett.

Psalm 71:12

Oh Gott, bleib nett veit vekk funn miah; dummel dich, oh mei Gott, un helf miah.

Psalm 84:2

Mei sayl hott en falanga un en oahrichah vinsh fa im hohf fumm Hah sei haus sei. Mei hatz un leib froiya sich im levendicha Gott.

Shpricha 13:12

Hofning es voahra muss, gebt em hatz angsht, avvah en falanga es folfild is, is vi en bohm funn layva.

Jesoiya 38:18

Fa's grawb kann dich nett danka, un da doht kann dich nett preisa, un selli es nunnah in's grawb gayn, henn kenn hofning fa dei shtandhaftichkeit.

Jesoiya 57:16

Ich zayl nett immah pshuldicha, un aw nett immah zannich sei, veil iahra geisht matt vadda dayt fannich miah, un aw da ohften im mann es ich gmacht habb.

Jesoiya 8:17

Ich zayl voahra uf da Hah, deah es sei ksicht fashtekkeld fumm Jakob sei nohch-kummashaft. Ich du mei hofning in een.

Lukas 21:26

Di leit vadda shvach mitt furcht un henn angsht veyyich vass am ivvah di veld kumma is, veil di himmels-grefta kshiddeld vadda.