Psalm 143:10 - Pennsylvania Dutch Bible

¹⁰ Lann mich fa dei villa du, fa du bisht mei Gott; loss dei goodah Geisht mich uf en ayvani pawt fiahra.

Psalm 143:10 Σταυροειδείς Αναφορές

Nehemia 9:20

Du hosht dei goodah Geisht gevva fa si lanna, dei manna hosht du nett zrikk kohva funn iahra meilah, un hosht eena vassah gevva fa iahra dasht.

Psalm 118:28

Du bisht mei Gott, un ich gebb diah dank; du bisht mei Gott, un ich hayb dich hohch uf.

Psalm 119:12

Glohbt bisht du, oh Hah, lann mich dei gebodda.

Psalm 119:35

Fiah mich in di pawt funn dei gebodda, fa si is miah kfellich.

Psalm 139:24

Gukk un sayn eb ennichah gottlohsah vayk in miah is, un fiah mich uf em ayvicha vayk.

Psalm 140:6

Ich sawk zumm Hah, “Du bisht mei Gott.” Heich mei shtimm oh vi ich roof fa hilf, oh Hah.

Psalm 22:1

Mei Gott, mei Gott, favass hosht du mich falossa? Favass bleibsht du so veit vekk mitt dei hilf? Un favass fa'achtsht du di vadda es ich am yammahra binn?

Psalm 23:3

Eah gebt mei sayl neiyi grefta. Eah fiaht mich in di rechta pawda, fa da sayk funn sei nohma.

Psalm 25:12

Veah is da mann es di furcht Gottes hott? Eah veist sellem mann da vayk es eah gay soll.

Psalm 27:11

Veis miah dei vayk, oh Hah, fiah mich in en grawdi pawt, veil ich feel feinda habb.

Psalm 31:14

Avvah ich glawb an dich, oh Hah; ich sawk, “Du bisht mei Gott.”

Psalm 63:1

Oh Gott, du bisht mei Gott; ich such dich eahnshtlich. Mei sayl is dashtich fa dich, mei flaysh falangd fa dich vi en drukka un en dah land vo kenn vassah is.

Jesoiya 29:10

Da Hah hott en geisht funn en deefah shlohf ivvah eich gebrocht, eah hott eiyah brofayda iahra awwa zu gmacht, un hott iahra kebb zu gedekt.

Jesoiya 63:14

vi's fee es nunnah in's deich gayt, hott da Geisht fumm Hah eena roo gevva. Dess is vi du dei leit kfiaht hosht so es du diah en hallichah nohma machsht.

Micha 4:2

Feel heida kumma bei un sawwa, “Kummet, vella nuff an da berg fumm Hah gay, an's Haus fumm Jakob sei Gott, so es eah uns land veyyich sei vayya, un so es miah in sei pawt lawfa kenna.” Es ksetz zayld naus gay funn Zion, un em Hah sei vatt funn Jerusalem.

4. Mosi 9:22

Eb di volk ivvah da tempel-tent geblivva is fa zvay dawk, en moonet adda en gans yoah, dann sinn di Kinnah-Israel datt geblivva un sinn nett vekk gezowwa. Avvah vann di volk ufkohva voah, sinn si nohch gezowwa.

Matthäus 28:20

Un lannet si fa alles halda es ich eich gebodda habb. Un meindet dess, ich binn immah bei eich, even biss an's end funn di veld.”

Johannes 14:26

Avvah da Drayshtah, da Heilich Geisht, vo da Faddah shikt in meim nohma, eah land eich alli sacha, un gmohnd eich droh an alles es ich ksawt habb zu eich.

Römer 15:13

Ich bitt es da Gott funn hofning eich fild mitt frayt un fridda im glawva, so es diah vaxet in di hofning deich di graft fumm Heilicha Geisht.

Römer 15:30

Ich famohn eich, leevi breedah, deich unsah Hah Jesus Christus, un deich di leevi fumm Geisht, es diah miah helfet in meim deensht bei eahnshtlich bayda fa mich zu Gott.

Römer 5:5

Un hofning lost uns nett nunnah, veil Gott sei leevi ausgleaht is in unsah hatza bei em Heilicha Geisht, deah vo gevva is zu uns.

Römer 8:2

Fa's Ksetz fumm Geisht vo levendich macht in Christus Jesus, hott mich frei gmacht fumm ksetz funn sinda un em doht.

Römer 8:26

So aw, da Geisht helft uns in unsah shvachheit. Fa miah vissa nett vi miah bayda sedda, avvah da Geisht selvaht dutt bayda fa uns mitt eahnshtlich ohhaldes es zu deef is fa vadda.

Epheser 4:30

Un doond nett da Heilich Geisht funn Gott bedreebt macha. Deich een voahret diah kseald biss an da dawk funn di saylichkeit.

Epheser 5:9

(Fa di frucht fumm Geisht is alles goodheit, gerechtichkeit un voahheit.)

2. Timotheus 1:7

Fa Gott hott uns nett en geisht funn furcht gevva, avvah aynah mitt graft un leevi un en ksundah fashtand.

Hebräer 13:21

mawk eah eich folkumma macha in alli goodi eahvet fa sei villa du, un sell shaffa in eich vass eem kfellich is deich Jesus Christus. Zu eem sei hallichkeit fa immah un immah. Amen.

1. Johannes 2:27

Un di salbung es diah grikt hend funn eem bleibt in eich, un diah brauchet nimmand havva fa eich lanna. Avvah vi sei salbung eich gland hott veyyich alli sacha, so is si voah un leekt nett; un vi sei salbung eich gland hott, so bleivet in eem.