Psalm 142:1 - Pennsylvania Dutch Bible

¹ Ich roof zumm Hah mitt mei shtimm; mitt mei shtimm bitt ich da Hah fa bamhatzichkeit.

Psalm 142:1 Σταυροειδείς Αναφορές

1. Chronik 4:10

Da Jaebez hott da Gott funn Israel ohgroofa un hott ksawt, “Oh es du mich saykna daytsht un mei blatz graysah macha! Loss dei hand uf miah sei un hald mich funn evil un shmatza.” Un Gott hott eem gevva vass eah kfrohkt hott difoah.

Psalm 141:1

Oh Hah, ich roof zu diah, kumm kshvind zu miah, heah mei shtimm vann ich dich roof.

Psalm 28:2

Heich mich am roofa fa bamhatzichkeit vi ich dich frohk fa hilf, un diveil es ich mei hend uf hayb geyyich deim Alli-Heilichshta Blatz.

Psalm 30:8

Zu diah, oh Hah, habb ich groofa, zumm Hah habb ich groofa fa bamhatzichkeit.

Psalm 32:1

Ksaykend is sellah es sei ivvah-dreddes fagevva grikt hott, sellah es sei sinda zu gedekt grikt hott.

Psalm 54:1

Helf miah, oh Gott, deich dei nohma; deich dei graft shaff aus mei recht fa mich.

Psalm 57:1

Sei gnaydich zu miah, oh Gott, sei gnaydich, fa in dich draut mei sayl. Im shadda funn dei flikkel nemm ich mich aus di kfoah, biss deah druvvel fabei is.

Hebräer 11:38

Di veld voah si's nett veaht. Si sinn rumm heah gloffa in di vildahnis un di hivla, un henn in di felsa-lechah un grund-lechah glaybt.

1. Samuel 24:3

Eah is an di shohf-penna kumma am vayk nohch vo en felsa-loch voah. Da Saul is nei ganga veil's eem nohtvendich voah. Da Dawfit un sei mennah voahra hinna im felsa-loch gvest.

1. Samuel 24:4

Di mennah henn ksawt zumm Dawfit, “Gukk moll, dess is da dawk es da Hah kshvetzt hott diveyya vo eah ksawt hott, ‘Ich gebb dei feind in dei hand es du du kansht mitt eem vass du vitt.’” No is da Dawfit nuff kshlicha un hott en ekk fumm Saul sei leib-rokk abkshnidda.