Psalm 141:4 - Pennsylvania Dutch Bible

⁴ Hald mei hatz funn gedrayt sei zu evil, so es ich kenn dayl habb in gottlohsi sacha mitt mennah es evil shaffa. Loss mich nett essa vass si gleicha essa.

Psalm 141:4 Σταυροειδείς Αναφορές

1. Mosi 27:14

No is eah ganga un hott si grikt un hott si zu sei maemm gebrocht. Sei maemm hott no en goot essa gmacht vi sei daett geglicha hott.

1. Kaynicha 13:8

Avvah da mann funn Gott hott ksawt zumm kaynich, “Even vann du miah dihelft gebsht funn vass du aykendsht, dann gayn ich nett mitt diah, un ich ess aw kenn broht un drink kenn vassah do.

1. Kaynicha 22:22

‘Vee zaylsht's du?’ hott da Hah kfrohkt. Eah hott ksawt, ‘Ich zayl naus gay un zayl en falshah geisht sei in di meilah funn awl sei brofayda.’ Da Hah hott ksawt, ‘Du zaylsht's ausrichta fa een fafiahra, gay un du's.’

1. Kaynicha 8:58

Loss een macha es unsah hatza zu eem drayya, so es miah in awl sei vayya lawfa, un sei gebodda un adninga halda es eah unsah foah-feddah gevva hott.

Psalm 119:36

Dray mei hatz zu dei zeiknisa, un nett zu lusht fa sacha.

Psalm 28:3

Shlayf mich nett vekk mitt di gottlohsa, un mitt di evil-shaffah— selli es freindlich shvetza mitt iahra nochbahra, avvah hass henn in iahra hatza.

Jesoiya 63:17

Favass, oh Hah, machsht du uns vekk lawfa funn deim vayk, un machsht unsah hatza hatt so es miah dich nett firchta? Kumm zrikk fa's goot funn dei gnechta, un dei shtamma es dei eahbshaft sinn.

4. Mosi 25:2

un dee veibsleit henn si kaysa fa zu iahra gettah-opfahra kumma. Di leit henn gessa un sich nunnah gebikt zu di Moabiddah gettah.

Matthäus 6:13

Un fiah uns nett in di fasuchung, avvah hald uns fumm evila. Fa dei is es Reich, di graft, un di hallichkeit in ayvichkeit. Amen.

1. Korinther 10:31

So, vass-evvah es diah esset adda drinket, adda vass-evvah es diah doond, doond alles fa di hallichkeit funn Gott.

1. Korinther 15:33

Losset eich nett fafiaht sei, shlechti kshvetzah fadauva en goot layves-lawf.

2. Korinther 6:17

So dann, kummet raus funn unnich eena, un shneidet eich ab funn eena,” sawkt da Hah, “un rayyet nix unreines oh, no nemm ich eich oh,

5. Mosi 2:30

Avvah da Sihon da kaynich funn Hesbon hott uns nett glost deich gay. Da Hah eiyah Gott hott em Sihon sei geisht shteibahrich gmacht un sei hatz shtokkich gmacht, so es eah ivvah-gedrayt vatt in eiyah hend vi eah is heit.

5. Mosi 29:4

Avvah nuff biss an deah dawk hott da Hah eich nett di meind gevva fa's fashtay, di awwa fa's sayna adda di oahra fa's heahra.

Jakobus 1:13

Loss nimmand sawwa vann eah fasucht vatt, “Gott is am mich fasucha.” Fa Gott kann nett fasucht vadda mitt evil, un eah fasucht aw nimmand.

Di Offenbarung 18:4

No habb ich noch en shtimm fumm Himmel keaht sawwa, “Kummet raus funn iahra, mei leit, so es diah nett en dayl hend mitt iahra sinda, un es diah nett ennichs funn iahra blohwa greeyet.