Psalm 141:1 - Pennsylvania Dutch Bible

¹ Oh Hah, ich roof zu diah, kumm kshvind zu miah, heah mei shtimm vann ich dich roof.

Psalm 141:1 Σταυροειδείς Αναφορές

Hiob 7:21

Favass fagebsht du nett mei ivvah-dreddes, un nemsht mei sinda vekk? Ich zayl glei nunnah in da shtawb leiya, du zaylsht gukka fa mich, avvah ich zayl nimmi sei.”

Psalm 143:1

Heich mei gebayt ab, oh Hah, heich vann ich roof fa bamhatzichkeit; in dei shtandhaftichkeit un gerechtichkeit, gebb miah andvat.

Psalm 143:7

Gebb miah kshvind andvat, oh Hah, mei geisht hott kenn hofning. Fashtekkel dei ksicht nett funn miah, adda ich va vi selli es nunnah in's grawb gayn.

Psalm 22:19

Avvah du, oh Hah, bleib nett veit vekk funn miah, oh du, mei Graft, kumm kshvind un helf miah.

Psalm 28:2

Heich mich am roofa fa bamhatzichkeit vi ich dich frohk fa hilf, un diveil es ich mei hend uf hayb geyyich deim Alli-Heilichshta Blatz.

Psalm 40:13

Loss es kfellich sei zu diah, oh Hah, fa mich frei setza; dummel dich, oh Hah, un helf miah.

Psalm 70:2

Loss selli es mich doht macha vella sich shemma, un mach si fashtatzt sei. Loss selli es miah evil vinsha zrikk gedrayt sei un fashohmd sei.

Psalm 70:5

Avvah ich binn shvach un habb noht; kumm kshvind zu miah, oh Gott. Du bisht mei hilf un machsht mich frei, oh Hah, voaht nett.

Psalm 71:12

Oh Gott, bleib nett veit vekk funn miah; dummel dich, oh mei Gott, un helf miah.