Psalm 14:3 - Pennsylvania Dutch Bible

³ Si sinn awl vekk gedrayt, si sinn awl zammah unrein vadda; nimmand dutt vass recht is, nett even aynah.

Psalm 14:3 Σταυροειδείς Αναφορές

1. Mosi 6:12

Un Gott hott uf di eaht gegukt un hott ksenna vi ungerecht es see voah, veil awl's flaysh sich ungerecht gmacht hott in iahra lawf uf di eaht.

Hiob 14:4

Veah kann ebbes rein macha es unrein is? Goah nimmand!

Hiob 15:16

Vee feel vennichah is da mensh, deah es grausam un fadrekt is, deah es evil drinkt vi vassah?

Psalm 119:176

Ich binn vekk gloffa vi en faloahra shohf, so kumm un gukk fa dei gnecht, fa ich zayl dei gebodda nett fagessa.

Psalm 14:1

Da grohs-feelich sawkt in seim hatz, “Es hott kenn Gott.” So leit sinn unrein, vass si doon is grausam, 'sis nimmand es goot dutt.

Psalm 143:2

Gay nett in's gericht mitt dei gnecht, fa fannich diah is nimmand levendiches gerecht.

Psalm 38:5

Mei vayyi blakka sinn am fafaula un shtinka, veil ich mich so dumm ohkshikt habb.

Psalm 58:3

Di gottlohsa gayn letz fumm dawk es si geboahra sinn; funn muddahs-leib gayn si letz un sawwa leeya.

2. Mosi 12:30

Da Pharao, awl sei gnechta un awl di Egyptah sinn uf kshtanna deich di nacht, un's voah vundahboah laut heiles in Egypta. Fa's voah kenn haymet datt es nett ebbah doht voah.

2. Mosi 8:31

Da Hah hott no gedu vi da Mosi kfrohkt hott, un hott di shvoahma funn mukka fumm Pharao, funn sei gnechta un funn sei leit vekk gnumma. Nett ayni voah ivvahrich.

Breddichah 7:20

Es is kenn gerechtah mann uf di eaht es immah goot dutt un nee nett sindicha dutt.

Breddichah 7:29

Doch habb ich dess kfunna: Gott hott mensha ufrichtich gmacht, avvah si sucha fa iahra ayknah vayk ausshaffa.”

Jesoiya 53:6

Miah voahra awl vi shohf es sich faloahra henn; yaydahs funn uns is sei ayknah vayk ganga. Un da Hah hott awl unsah sinda uf een glaykt.

Jesoiya 64:6

Awl funn uns sinn vadda vi selli es unrein sinn; awl unsah gerechti verka sinn vi drekkichi lumba, miah favelka vi bleddah un unsah sinda drawwa uns vekk vi da vind.

Jeremia 2:13

“Fa mei leit henn zvay moll ksindicht: Si henn mich falossa— di shpring funn levendich vassah— un si henn sich sistahns gegrawva, fabrochani sistahns, es kenn vassah hayva.

Ezekiel 36:25

Ich shpritz sauvah vassah uf eich, un diah zaylet sauvah sei; ich mach eich rein funn awl eiyah unreinichkeit un funn awl eiyah abgettah.

Römer 3:23

Fa alli-ebbah hott ksindicht, un langd nett di hallichkeit funn Gott.

1. Korinther 6:5

Ich sawk dess so es diah eich shemma sellet. Is nimmand unnich eich es veisheit hott? Adda is nimmand in di gmay es richta kann zvishich zvay breedah?

2. Korinther 7:1

Siddah es miah dee fashprechinga henn, leevi breedah, vella uns selvaht sauvah macha funn alles es unsah leib un geisht unsauvah macht. Un vella fassich gay geyyich folkummani heilichkeit mitt di furcht funn Gott.

Epheser 2:3

Unnich dee henn miah aw eahshtah awl glaybt im lusht fumm flaysh un henn gedu vass unsah ayknah villa voah un vass unsah meind en falanga katt hott fa du. So voahra miah deich di naduah, kinnah fumm zann grawt vi awl di anra.

5. Mosi 1:35

“Kens funn di mennah funn dee evil zeit zayld's goot land sayna es ich kshvoahra habb fa zu eiyah foah-eldra gevva.