Psalm 14:2 - Pennsylvania Dutch Bible

² Da Hah gukt runnah fumm himmel uf di mensha, fa sayna eb ennich ebbah fashtayt; eb ennich ebbah Gott sucht.

Psalm 14:2 Σταυροειδείς Αναφορές

1. Mosi 11:5

Un da Hah is runnah kumma fa di shtatt un dess grohs gebei sayna vo di mensha-kinnah am bauwa voahra.

1. Mosi 18:21

Ich gay nau nunnah un gukk moll eb's so shlimm is es dess greishes vo zu miah kumma is, un vann nett, dann vays ich's.”

1. Mosi 6:12

Un Gott hott uf di eaht gegukt un hott ksenna vi ungerecht es see voah, veil awl's flaysh sich ungerecht gmacht hott in iahra lawf uf di eaht.

2. Chronik 19:3

Doch, 'sis noch samm goodes in diah veil du di Ashera-poshta vekk aus em land gedu hosht, un dei hatz ksetzt hosht fa da Hah sucha.”

2. Chronik 30:19

es sei hatz risht fa Gott da Hah, da Gott funn sei foah-feddah sucha, even vann eah nett rein is vi's kfoddaht is fa's heilich-fesht essa.”

Hiob 15:14

Vass is en mensh, es eah rein sei sett, adda ebbah es geboahra is funn en veibsmensh, es eah gerecht sei sett?

Psalm 107:43

Veah-evvah es veisheit hott, loss een dee sacha achta, loss een ivvah em Hah sei shtandhaftichi-leevi denka.

Psalm 11:4

Da Hah is in sei heilichah tempel; em Hah sei kaynich-shtool is im himmel. Sei awwa sayna, mitt sei awwa uf broviaht eah di kinnah funn mensha aus.

Psalm 69:32

Di aylendicha sayna dess un sinn froh; diah es Gott suchet, losset eiyah hatza moot havva.

Psalm 82:5

Dee gettah vissa nix, un fashtayn nix, si lawfa rumm im dunkla; awl di foundations funn di eaht sinn kshiddeld.

Psalm 92:6

En unksheidah mensh vayst dess nett, un en dummah mensh fashtayt's nett,

Shpricha 2:9

No zaylsht du gerechtichkeit fashtay, un aw sell vass recht is, du zaylsht vissa vass feah un recht is in alli vayk.

Shpricha 8:5

Diah es nett bessah visset, fanget oh denka, un diah dummi leit, fanget oh fashtay.

Shpricha 9:16

“Loss selli es nett oahrich shmeaht sinn do rei kumma!” Un zu selli unni goodah fashtand sawkt see,

Shpricha 9:4

“Loss selli es nett oahrich shmeaht sinn do rei kumma!” un zu selli unni goodah fashtand sawkt see:

Jesoiya 27:11

Vann di nesht drukka sinn brecha si ab, un di veibsleit kumma un macha feiyah mitt'na. Fa dess is en leit es sacha nett fashtayn, so zayld sellah es si gmacht hott kenn bamhatzichkeit havva, un sellah es si kshaffa hott zayld nett gnaydich sei zu eena.

Jesoiya 55:6

Suchet da Hah diveil es eah kfunna sei kann, roofet zu eem diveil es eah nayksht is.

Jesoiya 63:15

Gukk runnah fumm himmel un sayn uns funn deim heilichah un hallichah voon-blatz. Vo is dei eahnsht un macht? Dei vayyich hatz un bamhatzichkeit vadda zrikk kohva funn uns.

Jesoiya 64:1

Oh, ich vott du daytsht di himla ufreisa un daytsht runnah kumma, so es di berga shidla dayda fannich diah!

Jesoiya 8:19

Vann si sawwa zu eich, diah misset di voah-sawwah un zaubahrah frohwa, dee es pishbahra un mumbla un sawwa, “Sedda nett leit iahra Gott frohwa?” Favass sedda si di dohda frohwa fa di levendicha?

Jeremia 4:22

“Mei leit sinn dumm, si vissa nett veah ich binn. Vi kinnah, fashtayn si nix, un henn kenn eisicht. Si sinn goot am evil du, avvah si vissa nett vi fa goot du.”

Jeremia 5:1

“Gay uf un ab deich di shtrohsa funn Jerusalem, gukk un nemm's ei; such deich di shtatt iahra shtrohsa. Vann du ay mensh findsht es eahlich is un di voahheit sucht, dann fagebb ich di shtatt.

Glawk-Leedah 3:50

biss da Hah runnah gukt fumm himmel un's saynd.

Daniel 12:10

Feel leit zayla rein un sauvah gmacht sei, avvah di ungettlicha zayla ohhalda ungettlich sei. Kens funn di ungettlicha zayla fashtay, avvah selli mitt veisheit zayla fashtay.

Matthäus 13:15

Dee leit iahra hatza sinn fashtokt. Si sinn hatt-heahrich un henn iahra awwa zu gmacht, so es si nett sayna kenna mitt iahra awwa, un heahra kenna mitt iahra oahra, un fashtay im hatz, un boos du so es ich si hayla kann.’

Römer 3:11

es is nimmand es fashtayt, un nimmand es Gott sucht.

Hebräer 11:6

Avvah unni glawva is es nett meeklich fa Gott kfellich sei. Fa deah es zu Gott kumma vill, muss glawva es eah is, un es eah en betzawling gebt zu selli es een eahnshtlich sucha.