Psalm 13:2 - Pennsylvania Dutch Bible

² Vi lang soll ich bekimmaht sei in mei sayl, un angsht havva in mei hatz da gans dawk? Vi lang zayld mei feind ivvah mich shtay?

Psalm 13:2 Σταυροειδείς Αναφορές

Nehemia 2:2

so hott da kaynich mich kfrohkt, “Favass is dei ksicht bedreebt vann du nett grank bisht? Dess kann nix annahshtah sei es en shveah hatz.” No habb ich mich veesht kfeicht.

Esther 7:6

Di Esther hott ksawt, “Da feind un sellah es geyyich uns is, is deah veesht Haman.” No voah da Haman oahrich fagelshtaht fannich em kaynich un di kaynich-fraw.

Hiob 10:15

Vann ich gottlohs binn, dann vay zu miah! Un even vann ich gerecht binn, dann dauf ich mei kobb nett uf hayva, fa ich binn ivvah-gnumma mitt mei shohm un dreebsawl.

Psalm 10:18

Du dusht recht zu kinnah unni eldra un di nunnah-gedreddana, so es da mensh funn di eaht leit nimmi nunnah dredda kann.

Psalm 116:3

Da shtrikk fumm doht hott mich kfanga, da angsht fumm grawb is ivvah mich kumma, ich voah ivvah-gnumma mitt bang un dreebsawl.

Psalm 17:9

Hald mich funn di gottlohsa es mich nunnah dredda, un funn mei maddahrei feinda es um mich rumm kumma.

Psalm 31:18

Mach shtill di leftz es leeya, selli es hohchmeedich shvetza geyyich di gerechta mitt grohs-feelichi un shtolsi kshvetzah.

Psalm 38:17

Fa ich binn shiah goah am falla, un mei shmatza sinn immah bei miah.

Psalm 42:4

Diveil es ich mei hatz ausleah, denk ich an dee sacha: vi ich als mitt di leit ganga binn, un habb si an's haus funn Gott kfiaht, am singa mitt frayt un en dankboah hatz, unnich di leit es am da feiyah-dawk halda voahra.

Psalm 6:4

Kumm zrikk, oh Hah, un mach mei sayl frei, mach mich saylich veil du mich leebsht.

Psalm 7:2

so es si mich nett fareisa vi en layb, un mich vekk shlayfa vo nimmand is fa helfa.

Psalm 74:10

Vi lang, oh Gott, zayld da feind dich fashpodda? Zayld eah dei nohma faleshtahra fa'immah?

Psalm 74:18

So denk droh vi dei feinda dich fashpott henn, oh Hah, un vi di unksheida leit dei nohma faleshtaht henn.

Psalm 8:2

Aus di meilah funn kinnah un glenni boblen, hosht du macht zugricht geyyich selli es geyyich dich sinn, so es dei feinda un selli es ayva kumma vella shtill sei missa.

Psalm 9:6

Di feinda sinn faddich fa'immah, du hosht iahra shtett zammah grissa, si sinn gans fagessa.

Shpricha 15:13

En fraylich hatz macht en fraylich ksicht, avvah vann's hatz bedreebt is, dann hott da geisht moot faloahra.

Breddichah 5:17

Sei layva lang est eah im dunkla un dreebsawl, mitt feel aylenda, grankheit un zann.

Jeremia 15:18

Favass habb ich immah shmatza, favass dutt mei vayyah blatz nett hayla? Zaylsht du mich fafiahra vi en vassah-grikk es drukka gayt im summah?”

Jeremia 45:3

Du hosht ksawt, ‘Vay zu miah! Da Hah hott dreebsawl ovva uf mei shmatza gedu. Ich binn ausgvoahra funn yammahra un ich kann kenn roo finna.’”

Jeremia 8:18

Mei hatz in miah is bedreebt, un's kann nett kayld sei.

Glawk-Leedah 1:5

Selli geyyich see sinn nau ivvah see, 's gayt goot mitt iahra feinda. Da Hah hott dreebsawl uf see gebrocht, deich iahra feel sinda. Iahra kinnah sinn kfanga un vekk gnumma, kohva bei iahra feinda.

Glawk-Leedah 1:9

Iahra unreinichkeit hott an da sohm funn iahra rokk kanka, avvah see hott sich nix bekimmaht veyyich vo dess anna fiaht. Iahra fall voah shreklich, un's voah nimmand fa see drayshta. “Oh Hah, gukk an mei aylend, da feind hott ivvah-gnumma.”

Glawk-Leedah 5:20

Favass dusht du uns immah fagessa? Favass dusht du uns so lang hokka lossa?

Matthäus 26:38

No hott eah ksawt zu eena, “Mei sayl is shveah mitt dreebsawl biss ball an da doht. Bleivet do un vatshet mitt miah.”

Lukas 22:53

Vo ich dawk fa dawk bei eich voah im tempel, hend diah eiyah hend nett uf mich glaykt. Avvah dess is nau eiyah shtund, un di graft funn di finshtahnis.”

Johannes 16:6

Avvah veil ich eich dee sacha ksawt habb, is dreebsawl in eiyah hatza.

Römer 9:2

Ich habb shveahri sacha un deefi shmatza uf meim hatz es nett nohch lossa.

Philipper 2:27

Un eah voah grank, nayksht am doht. Avvah Gott voah bamhatzich zu eem, un nett yusht zu eem, avvah zu miah aw, so es ich nett ay dreebsawl ivvah di annah habb.

1. Samuel 18:29

hott eah sich yusht noch may kfeicht veyyich em Dawfit, un eah is sei feind geblivva so lang es eah glaybt hott.

1. Samuel 24:19

Vann en mann sei feind find, dutt eah een gay lossa unni eem shawda du? Loss da Hah dich zrikk betzawla mitt goodes fa vass du gedu hosht zu miah heit.