Psalm 13:1 - Pennsylvania Dutch Bible

¹ Vi lang, oh Hah? Zaylsht du mich fagessa fa'immah? Vi lang fashtekkelsht du dei ksicht funn miah?

Psalm 13:1 Σταυροειδείς Αναφορές

Hiob 13:24

Favass fashtekkelsht du dei ksicht, un haldsht mich es dei feind?

Psalm 10:12

Shtay uf, oh Hah! Hayb dei hand uf, oh Gott. Fagess selli nett es sich nett helfa kenna.

Psalm 35:17

Oh Hah, vi lang zaylsht du zu sayna? Setz mei sayl frei funn iahra fadauves; un setz mei layva frei funn dee vilda layb.

Psalm 44:24

Favass fashtekkelsht du dei ksicht, un fagesht vi miah am leida un deich macha sinn?

Psalm 6:3

Mei sayl is oahrich bedreebt, vi lang, oh Hah, vi lang zayld's sei?

Psalm 74:1

Oh Gott, favass hosht du uns falossa vi dess fa'immah? Favass shmohkt dei zann geyyich di shohf funn dei vayt-feld?

Psalm 80:4

Oh Hah, Almechtichah Gott, vi lang zaylsht du zannich sei mitt di gebaydah funn dei leit?

Psalm 85:5

Zaylsht du bays sei ivvah uns fa'immah? Zayld dei zann nee nett ufheahra?

Psalm 89:46

Vi lang, oh Hah? Zaylsht du dich fashtekla fa'immah? Vi lang zayld dei zann brenna vi feiyah?

Psalm 90:14

Fill uns meiyets mitt dei shtandhaftichi-leevi, so es miah fraylich un froh sinn unsah layva lang.

Jesoiya 59:2

Avvah eiyah sinda henn eich vekk gnumma funn eiyah Gott; eiyah sinda henn sei ksicht fashtekkeld funn eich, so es eah nett heahra dutt.

Glawk-Leedah 5:20

Favass dusht du uns immah fagessa? Favass dusht du uns so lang hokka lossa?

5. Mosi 31:17

An selli zeit vatt mei zann hays geyyich si un ich zayl si falossa. Ich fashtekkel mei ksicht funn eena un si kumma zu nix. Feel veeshti sacha un druvla zayla uf si kumma, un no zayla si frohwa, ‘Sinn nett dee evili sacha uf uns kumma veil unsah Gott nimmi bei uns is?’