Psalm 12:6 - Pennsylvania Dutch Bible

⁶ Di vadda fumm Hah sinn pyuah, vi silvah kshmolsa in en eahdichah offa, sivva mohl greinicht.

Psalm 12:6 Σταυροειδείς Αναφορές

2. Samuel 22:31

Un veyyich Gott, sei vayya sinn gans folkumma; 's vatt fumm Hah is gans voah. Eah is en shield zu selli es sich falossa uf een.

Hiob 20:19

Eah hott di oahma nunnah gedredda un si falossa, eah hott heisah gnumma es eah nett gebaut hott.

Hiob 28:1

“Es hott bletz vo silvah gegrawva is, un bletz vo gold kshmolsa vatt.

Psalm 119:140

Dei vatt kann falossa sei druff, un dei gnecht hott's leeb.

Psalm 18:30

Gott sei vayya sinn gans folkumma; em Hah sei vadda sinn voah. Eah is en shield fa awl selli es eem drauwa.

Psalm 19:8

Em Hah sei befayla sinn recht, un macha's hatz froh. Di gebodda fumm Hah sinn pyuah, un gevva licht zu di awwa.

Psalm 66:10

Fa du hosht uns ausbroviaht, oh Gott; du hosht uns greinicht vi silvah.

Psalm 76:10

Da zann funn mensha gebt diah yusht may eah, un mitt em zann vo ivvahrich is glaytsht du dich.

Psalm 9:13

Sei bamhatzich zu miah, oh Hah, gukk moll vi ich leida muss deich selli es mich hassa. Hayb mich uf funn di doahra fumm doht,

2. Mosi 3:7

No hott da Hah ksawt, “Ich habb veiklich dess aylend ksenna mitt mei leit in Egypta. Ich habb si keaht am naus roofa veyyich di shreklicha leit es ivvah si sinn, un ich sayn iahra leides.

2. Mosi 3:8

So binn ich runnah kumma fa si frei macha funn di Egyptah, un fa si ruff aus sellem land bringa in en goot un grohs land. In demm land lawft millich un hunnich vi vassah, un is da blatz vo di Kanaaniddah, di Hethiddah, di Amoriddah, di Pheresiddah, di Heffiddah un di Jebusiddah voona.

2. Mosi 6:1

No hott da Hah zumm Mosi ksawt, “Nau zaylsht du sayna vass ich du zayl zumm Pharao, fa deich mei shteiki hand muss eah si gay lossa, un deich mei shteiki hand muss eah si aus sei land dreiva.”

Shpricha 22:23

fa da Hah zayld ufshtay fa si, un nemd's goot layva vekk funn selli es iahra recht vekk nemma.

Shpricha 30:5

Alli vatt funn Gott is voah; eah is en shield zu selli es eem drauwa.

Jesoiya 14:22

“Ich zayl ufshtay geyyich si,” sawkt da Awlmechtich Hah. “Un ich zayl Babylon abshneida funn iahra nohma, funn iahra leit es nett doht gmacht voahra, funn iahra kind, un funn iahra nohch-kummashaft.” So sawkt da Hah.

Jesoiya 33:10

“Nau shtayn ich uf,” sawkt da Hah, “nau zayl ich ufkohva sei; nau veis ich vi grohs es ich binn.