Psalm 113:4 - Pennsylvania Dutch Bible

⁴ Da Hah is hohch ivvah awl di heida, sei hallichkeit is ovvich di himla.

Psalm 113:4 Σταυροειδείς Αναφορές

1. Kaynicha 8:27

Avvah zayld Gott geviss uf di eaht voona? Vei even di himla, yau da haychsht himmel, kann dich nett hayva. Vee feel vennichah deah tempel es ich gebaut habb!

Psalm 148:13

Loss si da nohma fumm Hah lohva, fa sei nohma laynich is uf kohva; sei hallichkeit is ovvich di eaht un em himmel.

Psalm 8:1

Oh Hah, unsah Hah, vi hallich is dei nohma in di gans eaht. Du hosht dei hallichkeit ovvich awl di himla ksetzt.

Psalm 97:9

Fa du, oh Hah, bisht da Alli-Haychsht ivvah di gans eaht, du bisht uf kohva ovvich awl di gettah.

Psalm 99:2

Da Hah is grohs in Zion, un is hohch ovvich awl di leit.

Jesoiya 40:15

Geviss, di heida sinn gacht vi en drobb in en aymah, si sinn fanumma es vi shtawb uf en vohk; eah veekt di islands vi feinah shtawb.

Jesoiya 40:17

Fannich eem sinn awl di heida vi nix, eah nemd si fa nix veaht sei, un vennichah es nix.

Jesoiya 40:22

Eah hokt ovvich em ring funn di eaht, un di leit uf di eaht sinn vi hoi-shrekka. Eah shtrekt da himmel aus vi en curtain, vi en tent es leit drinn voona.

Jesoiya 66:1

Dess is vass da Hah sawkt: “Da himmel is mei kaynich-shtool, un di eaht is mei foos-bank. So vass fa en haus kennet diah bauwa fa mich? Vass fa en blatz soll ich drinn roowa?