Psalm 111:9 - Pennsylvania Dutch Bible

⁹ Eah hott saylichkeit zu sei leit kshikt, un hott sei ayvich bund gmacht mitt eena; heilich un mechtich is sei nohma.

Psalm 111:9 Σταυροειδείς Αναφορές

2. Samuel 23:5

Is nett mei haus so mitt Gott? Fa eah hott en ayvich bund gmacht mitt miah, es grisht is un fesht gmacht gans deich. Kann ich mich nett falossa uf sei hilf, un es eah mei alli falanga gebt zu miah?

1. Chronik 16:15

Denket an sei bund fa'immah, es vatt es eah gevva hott fa en dausend layves-zeida,

Psalm 111:5

Eah gebt ess-sach zu selli es een firchta, eah fagest sei bund nee nett.

Psalm 89:7

Gott is kfircht in di fasamling funn di heilicha, un vundahboah hohch ufkohva ovvich selli um een rumm.

Psalm 99:3

Loss si dei grohsah un vundahboahrah nohma preisa— eah is heilich!

Psalm 99:5

Hayvet da Hah unsah Gott uf, baydet een oh fannich seim foos-shtool; eah is heilich!

Psalm 99:9

Hayvet da Hah unsah Gott uf, deenet een an sei heilichah berg. Fa da Hah unsah Gott is heilich.

2. Mosi 15:11

Veah unnich di gettah is vi du, oh Hah? Veah is vi du, in mechtichi heilichkeit, in vundahboahri lohb un in vunnahrichi kshefta?

2. Mosi 15:13

Deich dei shtandhaftichi-leevi hosht du dei leit kfiaht, dee es du saylich gmacht hosht. Mitt dei graft hosht du si kfiaht zu dei heilichah voon-blatz.

Jesoiya 44:6

“Dess is vass da Hah sawkt— da Kaynich funn Israel, deah es saylich macht, da Awlmechtich Hah; Ich binn da eahsht un da letsht, unni mich hott's kenn Gott.

Jesoiya 55:3

Machet eiyah oahra uf, un kummet zu miah, heichet mich ab, so es eiyah sayl laybt. Ich mach en ayvich bund mitt eich; ich gebb eich di shtandhaftich leevi es ich fashprocha habb zumm Dawfit.

Jesoiya 6:3

Si henn zu nannah groofa un henn ksawt, “Heilich, heilich, heilich is da Awlmechtich Hah; di gans eaht is kfild mitt sei hallichkeit.”

Jesoiya 63:9

In awl iahra leides, hott eah aw glidda, un da engel fumm Hah hott si aus di kfoah gnumma. In sei leevi un bamhatzichkeit hott eah si frei ksetzt; eah hott si uf kohva un si gedrawwa, di gans zeit in di alda dawwa.

Maleachi 1:11

Mei nohma is hallich unnich di heida, fumm blatz vo di sunn ufkumd biss vo see nunnah gayt. Ivvahrawlich vadda insens un reini opfahra gopfaht zu meim nohma, veil mei nohma hallich sei zayld unnich di heida,” sawkt da Awlmechtich Hah.

Maleachi 2:2

Vann diah nett heichet, un eiyah hatza setzet fa meim nohma eah gevva,” sawkt da Awlmechtich Hah, “dann shikk ich en fluch uf eich, un fafluch di sayya es diah ksaykend sind mitt. Yau, ich habb si nau shund faflucht, veil eiyah hatza mich nett eahra.

Matthäus 1:21

Es zayld en boo geboahra vadda funn iahra un du solsht sei nohma Jesus haysa. Eah zayld sei leit saylich macha funn iahra sinda.”

Lukas 1:49

Fa deah vo mechtich is hott grohsi sacha gedu fa mich, un sei nohma is Heilich.

Lukas 1:68

“Glohbt sei da Hah, da Gott funn Israel, fa eah is zu sei leit kumma un hott si saylich gmacht.

Epheser 1:14

Da Heilich Geisht is di nunnah-betzawling funn unsah eahbshaft biss an di zeit vo selli vass zu Gott heahra di eahbshaft greeya—zumm lohb funn sei hallichkeit.

Epheser 1:7

In eem henn miah di saylichkeit deich sei bloot, un unsah sinda sinn fagevva noch sei reichlichi gnawt,

5. Mosi 15:15

Fagesset nett es diah bunds-gnechta voahret in Egypta un da Hah eiyah Gott eich frei ksetzt hott. Sell is favass es ich eich dess gebott gebb heit.

5. Mosi 28:58

Vann diah nett oahrich acht gevvet fa awl di vadda in demm ksetz halda es kshrivva sinn in demm buch, un da hallich un furchtboah nohma fumm Hah eiyah Gott firchta,

Titus 2:14

Eah is sellah vo sich selvaht gevva hott fa uns, so es eah uns lohs macha kann funn alli ungerechtichkeit, un so es eah en folk reinicha kann fa sich selvaht vo fleisich is fa goodi eahvet du.

Hebräer 13:20

Nau mawk da Gott funn fridda, deah vo deich's bloot fumm ayvicha bund unsah Hah Jesus, sellah grohs Shohf-Heedah, zrikk gebrocht hott funn di dohda,

Hebräer 9:12

Eah is nett nei ganga deich's bloot funn gays un kelvah, avvah deich sei ayya bloot is eah ay moll in da Alli-Heilichsht Blatz nei ganga un hott uns ayvichlich frei gmacht.

Di Offenbarung 4:8

Yaydah funn di fiah levendichi diahra hott sex flikkel katt, in sich, un um sich rumm voahra si foll awwa. Dawk un nacht henn si nett kshtobt sawwa, “Heilich, heilich, heilich is Gott da Hah, deah Awlmechtich, deah vo voah, vo is, un vo noch kumd.”

Di Offenbarung 5:9

Un si henn en nei leet ksunga, un henn ksawt, “Du bisht's veaht fa's buch nemma un di seals uf macha. Fa du voahsht doht gmacht un dei bloot hott uns gekawft fa Gott funn alli kshlecht, un zung, un leit, un land.