Psalm 107:41 - Pennsylvania Dutch Bible

⁴¹ Avvah eah haybt di oahma uf aus iahra leides, un fameaht iahra families vi en drubb fee.

Psalm 107:41 Σταυροειδείς Αναφορές

1. Mosi 48:11

Da Israel hott ksawt zumm Joseph, “Ich habb nee nett geglawbt es ich dich viddah sayna zayl, un nau gukk moll, Gott hott mich aw glost dei kinnah sayna.”

Hiob 21:11

Iahra kinnah shpeela vi lemmah in en drubb shohf; iahra glenni shpringa rumm heah.

Hiob 36:15

Eah setzt di aylendicha frei funn iahra aylend, un shvetzt zu eena in iahra dreebsawl.

Hiob 42:16

Noch demm hott da Hiob nochamohl en hunnaht un fatzich yoah glaybt. Eah hott sei kinnah un kinds-kinnah ksenna biss in's fiaht gleet.

Hiob 5:11

Eah haybt di niddahra hohch uf, un selli es heila hald eah aus di kfoah.

Hiob 8:7

Vass du katt hosht eahshtah, zayld vennich sei, geyyich vass du havva zaylsht shpaydah.

Psalm 128:6

un du zaylsht layva fa dei kinnah iahra kinnah sayna. Fridda sei uf Israel!

Psalm 78:52

Avvah eah hott sei aykni leit raus kfiaht vi shohf, un is eena foah-ganga in di vildahnis.

Shpricha 17:6

Kinds-kinnah sinn da krohn funn aldi leit, un di eah funn di kinnah is iahra eldra.

Jeremia 31:27

“Gukk moll, di zeit zayld kumma,” sawkt da Hah, “vann ich's land Israel un's land Juda blansa zayl mitt mensha un mitt fee.

Jakobus 5:11

Gukket moll, miah sawwa selli sinn ksaykend vo geduldich sinn. Diah hend keaht vi geduldich es da Hiob voah un hend ksenna vass da Hah endlich gedu hott. Diah kennet sayna es da Hah bamhatzich un goot-maynich is.

1. Samuel 2:21

Un da Hah voah bei di Hannah; see is uf em family vayk vadda un hott drei may boova un zvay maydlen katt. Avvah da boo Samuel is ufgvaxa fannich em Hah.

1. Samuel 2:8

Eah haybt di oahma aus em shtawb, eah haybt selli mitt noht aus em esh-haufa; eah macht si hokka unnich di evvahshta, un macht si en kaynich-shtool eahva mitt grohsi eah. Fa di poshta funn di eaht heahra zumm Hah, eah hott di veld uf si ksetzt.