Psalm 106:23 - Pennsylvania Dutch Bible

²³ Vo Gott ksawt hott eah zayld si umbringa, hott da Mosi, em Gott sei raus-groofanah, sich zvishich si un Gott kshteld, un hott Gott sei zann kalda funn si umbringa.

Psalm 106:23 Σταυροειδείς Αναφορές

Hiob 35:8

Dei ungerechtichkeit kann yusht ebbes du zu mensha vi du, un dei gerechtichkeit zu di mensha-kinnah.

Psalm 105:26

Eah hott da Mosi, sei gnecht, kshikt, un da Aaron, deah es eah raus glaysa hott.

Psalm 105:6

diah nohch-kummashaft funn sei gnecht, da Abraham, diah kinnah fumm Jakob, sei raus-groofeni.

2. Mosi 32:32

Nau fagebb eena iahra sinda. Un vann nett, dann reib mich aus deim buch es du kshrivva hosht.”

Jeremia 5:1

“Gay uf un ab deich di shtrohsa funn Jerusalem, gukk un nemm's ei; such deich di shtatt iahra shtrohsa. Vann du ay mensh findsht es eahlich is un di voahheit sucht, dann fagebb ich di shtatt.

Ezekiel 13:5

Diah sind nett nuff an di lechah in di mavvah ganga un hend si viddah ufgebaut fa's haus funn Israel, so es si shteik shtay kann im greek am dawk fumm Hah.

Ezekiel 20:8

Avvah si henn sich geyyich mich kshteld un mich nett abkeicht; si sinn nett lohs vadda funn di grausama gleichnisa fannich iahra awwa, un henn aw nett di abgettah funn Egypta falossa. No habb ich ausgmacht fa mei haysi gloot ausleahra uf si, un mei zann sich ausfiahra lossa geyyich si datt in Egypta.

Ezekiel 22:30

Ich habb gegukt fa en mann unnich eena fa di vand ufbauwa, un fa fannich mich shtay im loch zvishich miah un em land, so es ich's nett folshtendich fadauva muss, avvah ich habb nimmand kfunna.

4. Mosi 16:5

No hott eah ksawt zumm Korah un selli es bei eem voahra, “Meiya free zayld da Hah veisa veah zu eem heaht un veah heilich is. Un da Hah nemd sellah nayksht zu sich selvaht. Veah eah raus rooft dauf nayksht zumm Hah kumma.

Matthäus 12:18

“Do is mei gnecht es ich raus groofa habb. Ich du een leeva, un mei sayl is goot zufridda mitt eem. Ich zayl mei Geisht uf een du, un eah zayld gericht breddicha zu di Heida.

Johannes 15:16

Diah hend mich nett raus groofa, avvah ich habb eich raus groofa un eich eiksetzt fa gay un frucht foah bringa, un es eiyah frucht bleiva soll; so es vass-evvah es diah da Faddah frohwet in meim nohma, sell gebt eah zu eich.

Johannes 15:19

Vann diah funn di veld veahret, dayt di veld eich leeva. Avvah veil diah nett funn di veld sind, un ich habb eich aus di veld groofa, fasell dutt di veld eich hassa.

5. Mosi 10:10

Nau dessamohl binn ich uf em berg geblivva fa fatzich dawk un necht, so vi ich binn's eahsht mohl. Da Hah hott mich viddah abkeicht dessamohl; es voah nett sei villa fa eich umbringa.

5. Mosi 9:19

Ich habb mich kfeicht veyyich di gleet un zann fumm Hah, veil eah bays genunk voah fa eich gans ausbutza. Avvah da Hah hott mich viddah abkeicht.

5. Mosi 9:25

Ich habb mich fannich da Hah glaykt selli fatzich dawk un necht veil da Hah ksawt hott eah zayld eich ausbutza.

Jakobus 5:16

Bekennet eiyah sinda zu nannah un baydet fa nannah so es diah ksund vaddet. Es gebayt funn en gerechtah mann kann feel du.