Psalm 104:32 - Pennsylvania Dutch Bible

³² Eah gukt an di eaht, un si ziddaht, eah raykt di berga oh, un si shmohka.

Psalm 104:32 Σταυροειδείς Αναφορές

Psalm 114:7

Shiddel fannich em Hah, oh eaht; fannich em Gott fumm Jakob,

Psalm 144:5

Mach dei himmel uf, oh Hah, un kumm runnah, du di berga ohrayya, so es si shmohka.

Psalm 50:3

Unsah Gott kumd, un eah is nett shtill; feiyah es frest gayt fannich eem heah, un en grohsah shtoahm is um een rumm.

Psalm 77:16

Vo di vassahra dich ksenna henn, oh Gott, vo di vassahra dich ksenna henn, henn si sich kfeicht, yau, di deefa vassahra henn kshiddeld.

Psalm 77:19

Dei vayk is deich da say ganga, un dei pawt deich di grohsa vassahra, doch dei kshpuah voah nett ksenna.

2. Mosi 19:18

Da Berg Sinai voah zu gedekt mitt shmohk veil da Hah runnah kumma is in feiyah. Da shmohk is in di hay ganga vi funn en grohsah offa, un da gans berg hott veesht kshiddeld.

Jeremia 5:22

Seddet diah eich nett feicha veyyich miah?” sawkt da Hah. “Seddet diah nett ziddahra fannich miah? Ich habb da sand gmacht fa en lein am say nohch macha, en ayvichi lein es da say nett drivvah gay kann. Di vella kenna rolla, avvah's dutt si kenn goot, si kenna roahra, avvah si kenna nett drivvah gay.

Amos 8:8

Fasell, zayld nett's gans land shidla, un awl selli es drinn voona heila? Es gans land zayld ruff kumma vi's vassah im Nile, es vatt ufkshtatt un no vatt's viddah niddah vi da revvah in Egypta.”

Habakuk 3:10

Di berga henn dich ksenna, un henn kshiddeld. Es hohch vassah is fabei gloffa; es deef vassah hott grohsi yacht gmacht, un iahra vella voahra hohch.

Di Offenbarung 19:3

No henn si viddah gegrisha, “Halleluja! Da shmohk funn iahra gayt nuff fa immah un immah.”

Di Offenbarung 20:11

No habb ich en grohsah veisah kaynich-shtool ksenna un sellah vo druff kokt hott. Di eaht un da Himmel sinn vekk funn sei ksicht kshprunga, un's voah kenn blatz kfunna fa si.