Psalm 104:30 - Pennsylvania Dutch Bible

³⁰ Vann du eena dei ohften gebsht, no sinn si kshaffa, un du gebsht nei layva zu di eaht.

Psalm 104:30 Σταυροειδείς Αναφορές

Hiob 12:10

In sei hand is di sayl funn alles es laybt, un da geisht funn awl di mensha.

Hiob 26:13

Bei seim vind sinn di himla abgeblohsa un shay vadda, un sei hand hott di shlang doht gmacht es am difunn gay voah.

Hiob 33:4

Da Geisht Gottes hott mich gmacht, un da ohften fumm Awlmechticha gebt miah layva.

Psalm 33:6

Da himmel voah gmacht bei's vatt fumm Hah, un alles es drinn is bei da ohften funn seim maul.

Jesoiya 65:17

“Nau gukket, ich zayl neiyi himla un en neiyi eaht macha. Di sacha funn eahshtah zrikk vadda fagessa, un nimmand denkt an si.

Jesoiya 66:22

“Un grawt vi da nei himmel un di nei eaht es ich macha zayl, fannich miah bleiva zayla,” sawkt da Hah, “so zayld eiyah nohma un eiyah nohch-kummashaft bleiva.

Ezekiel 37:5

Dess is vass da Awlmechtich Hah sawkt zu dee gnocha: Gukket moll, ich zayl ohften in eich du, un diah vaddet viddah levendich.

Ezekiel 37:6

Ich zayl flexa an eich du, macha es flaysh uf eich kumd un zeek eich ivvah mitt haut. Ich du ohften in eich, un diah vaddet viddah levendich. No zaylet diah vissa es ich da Hah binn.’”

Ezekiel 37:9

No hott eah ksawt zu miah, “Broffetzei zumm ohften, mensha-kind, broffetzei un sawk zumm ohften, ‘Dess is vass da Awlmechtich Hah sawkt: Ohften, kumm funn di fiah vinda, un shnauf in dee es doht gmacht voahra, so es si levendich vadda.’”

Epheser 2:1

Un diah voahret doht deich ivvah-dreddes un sinda,

Titus 3:5

hott eah uns saylich gmacht. Dess voah nett veil miah gerechti verka gedu henn, avvah veil eah bamhatzich is, un hott uns gvesha bei uns viddah-geboahra macha, un hott uns nei gmacht deich da Heilich Geisht.

Di Offenbarung 21:5

Deah vo uf em kaynich-shtool kokt hott, hott ksawt, “Gukk moll, ich mach alles nei.” No hott eah ksawt zu miah, “Shreib's anna, fa dee vadda sinn shtandhaftich un voah.”