Psalm 10:8 - Pennsylvania Dutch Bible

⁸ Eah hokt fashtekkeld nayksht an di shtett; in seim fashtekkelda blatz macht eah di unshuldicha doht; in seim shlicht vatsht eah fa selli es sich nett helfa kenna.

Psalm 10:8 Σταυροειδείς Αναφορές

2. Kaynicha 21:16

Un vass may is, da Manasse hott so feel unshuldich bloot fagossa es es bloot gloffa is in di shtrohsa funn Jerusalem funn aym end biss an's anra. Nayvich awl demm, hott eah Juda gmacht sindicha so es si gedu henn vass evil voah in di awwa fumm Hah.

Hiob 24:14

Da doht-shlayyah shtayt uf meiyets am dawk, eah macht selli doht es oahm un in noht sinn, un nacht's shtayld eah vi en deeb.

Psalm 17:11

Si henn uns umringd vo-evvah es miah sinn; si henn iahra awwa ksetzt fa uns uf da bodda shmeisa.

Psalm 94:6

Si bringa di vitt-fraw un da fremd mann um, un shlauwa doht di kinnah unni eldra.

Shpricha 24:15

Lei nett anna am voahra vi en gottlohsah mensh, fa in en gerechtah mann sei haus gay; gay nett nei fa een rawva;

Jeremia 22:17

“Avvah dei awwa un hatz gukka yusht fa uneahlich geld macha, fa unshuldich bloot fageesa un fa leit nunnah dredda un si rawva.”

Habakuk 3:14

Du hosht een in da kobb kshtocha mitt sei ayknah shpiah, vo sei greeks-gnechta raus kshprunga sinn fa uns ausnannah shtroiya. Si henn sich kfroit vi si kumma sinn fa di aylendicha fressa es am sich fashtekla voahra.

Lukas 10:1

Noch demm hott da Hah sivvatzich anri raus groofa, un hott si fannich eem heah kshikt. Eah hott si naus kshikt, zvay bei zvay, in awl di bletz un shtett es eah selvaht nochdihand hee kumma hott vella.

Lukas 8:1

Glei noch demm, is eah deich di shtett un di nochbahshafta ganga un hott's Effangaylium fumm Reich-Gottes gebreddicht, un di zvelfa voahra bei eem.

Richtah 9:25

Fa shaffa geyyich da Abimelech, henn di leit funn Sichem mennah uf di hivla gedu, un si henn alli-ebbah grawbt es fabei ganga is. Dess voah no ksawt gvest zumm Abimelech.

1. Samuel 22:18

No hott da kaynich ksawt zumm Doeg, “Dray du dich un shlakk di preeshtah nunnah.” So hott da Doeg, da Edomiddah, sich rumm gedrayt un hott si nunnah kshlauwa. Sellah dawk hott eah fimf un achtzich mennah doht gmacht es linnen preeshtah-shatza gvoahra henn.

1. Samuel 23:23

Finnet alles aus veyyich di bletz es eah sich fashtekkeld hald, un kummet zrikk zu miah vann diah moll shuah sind. No gayn ich mitt eich, un vann eah im land is, dann such ich een raus unnich awl di dausends fumm land Juda.”