Psalm 10:16 - Pennsylvania Dutch Bible

¹⁶ Da Hah is Kaynich fa'immah un immah; di heida zayla aus seim land shteahva.

Psalm 10:16 Σταυροειδείς Αναφορές

1. Chronik 29:11

Zu diah, oh Hah, heaht di eah un di graft, di hallichkeit, di kaynich-eah, un alles es im himmel un uf di eaht is. Zu diah, oh Hah, heaht's Kaynich-Reich un du bisht da evvahsht ivvah alles.

Psalm 145:13

Dei Kaynich-Reich is en ayvich reich, un dei Kaynich-Macht bleibt deich alli nohch-kummashaft. Da Hah is shtandhaftich in alles es eah fashprocha hott, un gnaydich zu alles es eah gmacht hott.

Psalm 146:10

Da Hah is kaynich fa'immah, dei Gott, oh Zion, roold ayvichlich. Halleluja!

Psalm 29:10

Da Hah hokt ivvah di flott uf seim kaynich-shtool; da Hah hokt es Kaynich fa'immah.

Psalm 78:55

Eah hott's folk in di lendah raus gedrivva fannich eena, un hott di lendah fadayld zu eena fa en eahbshaft; eah hott di shtamma funn Israel in iahra haymeda voona glost.

Psalm 9:15

Di heida henn en loch gegrawva un sinn nei kfalla, iahra fees sinn kfanga in di net es si kshteld henn.

Psalm 9:5

Du hosht di heida gezankt un di gottlohsa umgebrocht; du hosht iahra nohma ausgrivva fa'immah.

Psalm 9:8

Eah zayld di veld richta in gerechtichkeit, un zayld di leit roola mitt en recht gericht.

Psalm 93:1

Da Hah is kaynich, un is geglayt in hallichkeit; da Hah is geglayt in hallichkeit un ohgedu mitt graft. Eah hott di veld fesht gegrund un see kann nett gmooft sei.

2. Mosi 15:18

Da Hah zayld da kaynich sei fa'immah un immah.”

Jesoiya 33:22

Fa da Hah is unsah richtah, da Hah is unsah meishtah; da Hah is unsah kaynich es is een es uns helft.

Jeremia 10:10

Avvah da Hah is da recht Gott; eah is da levendich Gott, un da ayvich Kaynich. Vann eah bays vatt, dann shiddeld di eaht; di heida kenna sei zann nett shtenda.

Glawk-Leedah 5:19

Du, oh Hah, roolsht fa'immah, un dei kaynich-shtool bleibt funn kshlecht zu kshlecht.

Daniel 4:34

Am end funn selli zeit habb ich, da Nebukadnezar, mei awwa nuff geyyich em himmel gedrayt un mei menshlichah fashtand is viddah zrikk kumma. Ich habb da Alli-Haychsht gepreist, un habb di eah un hallichkeit gevva zu sellah es laybt fa'immah. Sei Kaynich-Reich is en ayvich Kaynich-Reich; sei reich zayld shtay funn ayvichkeit zu ayvichkeit.

Daniel 6:26

Ich mach dess gebott es di leit ivvahrawlich in meim kaynich-reich da Gott fumm Daniel firchta un eahra sella. Eah is da levendich Gott, un zayld nee nett shteahva. Sei Kaynich-Reich gayt nee nett unnah, un sei Kaynich-Macht hott kenn end.

5. Mosi 8:20

Vi di heida es da Hah fannich eich umbringa zayld, so zayla diah umkumma veil diah nett keicht hend zu di shtimm fumm Hah eiyah Gott.

1. Timotheus 1:17

Nau zu em ayvicha Kaynich, deah vo nett shtauva kann un nett ksenna sei kann, da aynsisht Gott mitt veisheit, zu eem sei eah un hallichkeit funn ayvichkeit zu ayvichkeit. Amen.