Psalm 1:1 - Pennsylvania Dutch Bible

¹ Ksaykend is da mensh es nett im roht funn di gottlohsa lawft, adda uf em vayk funn sindah shtayt, adda im sitz funn shpoddah hokt.

Psalm 1:1 Σταυροειδείς Αναφορές

1. Mosi 49:6

Loss mei sayl nett falossa sei uf iahra roht, un loss mich nett en dayl havva mitt iahra fasamling. Fa in iahra zann henn si mennah doht gmacht, un hend moot-villich oxa lohm gmacht.

1. Mosi 5:24

Diveil es da Henoch am en gettlich layva fiahra voah un am lawfa voah mitt Gott, hott Gott een vekk gnumma, un eah voah nimmi ksenna.

1. Kaynicha 16:31

Es voah nett genunk zu eem fa di sinda du es da Jerobeam, em Nebat sei boo, gedu hott, avvah eah is aw ganga un hott di Jesebel keiyaht. See voah em Ethbaal sei maydel, un eah voah da kaynich funn Sidon. No hott da Ahab ohkfanga da Baal deena un hott een ohgebayda.

2. Chronik 22:3

Eah is aw gloffa in di vayya fumm Ahab sei haus, veil sei maemm een fashvetzt hott fa letz du.

Hiob 10:3

Kfald's diah fa mich fafolka, fa di eahvet funn dei hend nunnah drayya, diveil es du froh bisht mitt di shkeems funn di gottlohsa?

Hiob 21:16

Nau heichet moll, dee leit mayna si macha sich selvaht goot ab, avvah ich nemm nett oh vass dee gottlohsi leit sawwa.

Hiob 31:5

Vann ich in falshheit gloffa binn, adda mei foos fafiahres nohch ganga is,

Psalm 1:6

Fa da Hah vatsht ivvah da vayk funn di gerechta, avvah da vayk funn di gottlohsa kumd zu nix.

Psalm 106:3

Ksaykend sinn selli es sei gebott halda, un immah doon vass recht is.

Psalm 112:1

Lohb sei zumm Hah! Ksaykend is da mann es da Hah fircht, sellah es grohsi frayt hott in sei gebodda.

Psalm 119:115

Gaynd vekk funn miah, diah gottlohsi, so es ich di gebodda funn meim Gott halda kann.

Psalm 144:15

Ksaykend sinn di leit vann's so gayt mitt eena; ksaykend sinn di leit es Gott henn fa iahra Hah.

Psalm 146:5

Ksaykend is sellah es sei hilf grikt fumm Jakob sei Gott, sellah es sich falost uf da Hah, sei Gott,

Psalm 146:9

Da Hah vatsht ivvah di fremda; eah gebt acht uf di kinnah unni eldra un di vitt-veivah, avvah da vayk funn di gottlohsa bringd eah zu nix.

Psalm 2:12

Kisset da Sohn, fafiah eah vatt bays, un diah kummet um unnah-vayks, fa sei zann vatt kshvind ufkshtatt. Ksaykend sinn awl selli es eem drauwa fa hilf.

Psalm 26:12

Mei fees shtayn uf ayvanah grund, ich lohb da Hah in di grohs fasamling.

Psalm 34:8

Fasuchet un saynet vi goot es da Hah is, ksaykend is da mann es eem draut an di zeit funn kfoah.

Psalm 36:4

Si henn gottlohsi sacha im sinn diveil es si im bett sinn; si gayn naus uf en vayk es nett goot is, un si drayya evil nett nunnah.

Psalm 64:2

Fashtekkel mich funn vass di gottlohsa im sinn henn, un funn di shkeems funn di evil-shaffah.

Psalm 81:12

So habb ich si ivvah-gevva zu iahra dikk-kebbichi hatza, un si glost iahra ayknah roht nohch gay.

Psalm 84:12

Oh Almechtichah Hah, ksaykend is da mann es sich falost uf dich.

Shpricha 1:15

Mei kind, gay nett mitt eena, hald dei fees aus iahra pawt.

Shpricha 1:22

“Diah dummi leit, vi lang vellet diah dumm bleiva, vi lang zayla shpoddah gleicha ohhalda shpodda, un vi lang zayla di unksheida eisicht hassa?

Shpricha 13:15

Goodi eisicht vatt hohch ohksenna, avvah da vayk funn di gottlohsa is hatt.

Shpricha 13:20

Veah mitt mennah funn veisheit lawft, grikt veisheit, avvah veah rumm gayt mitt di unksheida dutt sich selvaht vay.

Shpricha 19:29

Leit es shpoddah sinn zayla kshtrohft vadda, un di bikkel funn di unksheida zayla gegaysheld vadda.

Shpricha 2:12

un dich vekk halda fumm evila vayk, un funn mennah es ungettlich shvetza,

Shpricha 3:34

Eah fashpott selli es shpott macha, avvah eah gebt gnawt zu di daymeedicha.

Shpricha 4:19

Avvah da vayk funn di gottlohsa is vi's dunkla, si kenna nett sayna vass si drivvah shtolbahra.

Shpricha 9:12

Vann du veisheit hosht, dann is es zu dei ayya goot, avvah vann du shpotsht, dann musht du's selvaht drawwa.”

Jeremia 15:17

Ich habb nee nett zammah kokt mitt di shpoddah, un habb nee nett kshpass gmacht mitt eena; ich habb mich laynich kalda veil dei hand uf miah voah, un du mich kfild hosht mitt zann.

Jeremia 17:7

Avvah ksaykend is da mann es sich uf da Hah falost, sellah es sei fadrauwa in een dutt.

Ezekiel 20:18

Ich habb ksawt zu iahra kinnah in di vildahnis, “Lawfet nett di gebodda nohch funn eiyah feddah, haldet iahra ksetza nett un machet eich nett unrein mitt iahra abgettah.

Matthäus 16:17

Un Jesus hott ksawt zu eem, “Ksaykend bisht du Simon, da sohn fumm Jona! Flaysh un bloot hott dess nett gvissa zu diah, avvah mei Faddah vo im Himmel is.

Lukas 11:28

Avvah eah hott ksawt zu iahra, “Yau, avvah ksaykend sinn dee vo Gottes Vatt heahra un's aw doon.”

Lukas 23:51

Eah voah nett aynich mitt di Council un mitt vass si gedu henn, un eah voah am voahra fa's Kaynich-Reich funn Gott.

Johannes 13:17

Vann diah dee sacha visset, sind diah ksaykend vann diah si aw doond.

Johannes 20:29

Jesus hott ksawt zu eem, “Hosht du geglawbt veil du mich ksenna hosht? Ksaykend sinn dee vo mich nett ksenna henn un doon doch glawva.”

Römer 5:2

Deich een is di deah uf gmacht vadda im glawva zu di gnawt es miah drinn shtayn. Un miah froiya uns in di hofning funn di hallichkeit funn Gott.

Epheser 6:13

Fasell, nemmet awl's greeks-ksha funn Gott zu eich, so es diah shtay kennet vann da evil dawk kumd, un vann diah moll alles gedu hend, shtaynd fesht.

5. Mosi 14:6

Diah daufet ennich diah essa es kshpaldani hoofs hott un es viddah-kauwa dutt.

5. Mosi 33:29

Ksaykend bisht du, oh Israel, veah is vi du, en leit saylich gmacht bei em Hah? Eah is eiyah shield un eiyah hilf, un di shvatt funn eiyah hallichkeit. Eiyah feinda bikka sich fannich eich un feicha sich, un diah shtambet iahra hohchi bletz nunnah.”

1. Petrus 4:3

Fa miah henn lang genunk glaybt noch em villa funn di Heida vo miah gloffa sinn in unfashtand, lusht, saufahrei, fressahrei, vei-feshta un in grauslichi abgettahrei.

Di Offenbarung 22:14

Ksaykend sinn selli es sei gebodda halda, so es si's recht henn zumm bohm funn layva, un daufa in di shtatt gay deich di doahra.