Nehemia 9:33 - Pennsylvania Dutch Bible

³³ Du bisht gerecht in alles es du uf uns kumma glost hosht, du hosht recht gedu, avvah miah henn letz gedu.

Nehemia 9:33 Σταυροειδείς Αναφορές

1. Mosi 18:25

'Sis goah nett vi dich fa so en ding du—fa di gerechti umbringa mitt di ungerechta, es vann di gerechta un di ungerechta gleicha veahra. Dess is goah nett vi dich! Sett nett da Richtah funn di gans veld du vass recht is?”

Ezra 9:15

Oh Hah, du Gott funn Israel, du bisht gerecht! Miah sinn selli es ivvahrich sinn funn kfanga sei deah dawk. Miah sinn do fannich diah in unsah shuld, avvah deich sell kann nimmand funn uns fannich diah shtay.”

Nehemia 9:34

Unsah kaynicha, unsah evvahshti, unsah preeshtah un unsah foah-feddah henn's ksetz nett kalda. Si henn nett acht gnumma funn dei gebodda un di vanninga es du eena gevva hosht.

Nehemia 9:8

Du hosht sei hatz shtandhaftich kfunna fannich diah, un hosht en bund gmacht mitt eem, fa zu sei nohch-kummashaft es land gevva funn di Kanaaniddah, di Hethiddah, di Amoriddah, di Pheresiddah, di Jebusiddah un di Girgasiddah. Du hosht dei vatt kalda, veil du gerecht bisht.

Hiob 33:27

Eah singd fannich leit un sawkt, ‘Ich habb ksindicht, un habb gedu vass nett recht is, avvah ich habb nett grikt vass ich fadeend habb.

Hiob 34:23

Gott brauch di mensha nett veidah ausbroviahra, fa si richta fannich sich selvaht.

Psalm 106:6

Miah henn ksindicht grawt vi unsah foah-feddah henn; miah henn letz gedu un uns gottlohs ohkshikt.

Psalm 119:137

Du bisht gerecht, oh Hah, un dei richtes is recht.

Psalm 145:17

Da Hah is gerecht in awl sei vayya, un bamhatzich zu alles es eah gmacht hott.

2. Mosi 32:31

No is da Mosi zrikk zumm Hah ganga un hott ksawt, “Oh, dee leit henn en grohsi sind gedu. Si henn sich gettah gmacht aus gold.

Jeremia 12:1

Du bisht immah gerecht, oh Hah, vann ich mich faglawk zu diah. Doch, muss ich dich frohwa veyyich dei gerichtes: Favass gayt's goot mitt di gottlohsa? Favass gayt alles di unglawvicha iahra vayk?

Jeremia 44:3

Dess is veil si so veesht ksindicht henn. Si henn mich veesht bays gmacht bei opfahra brenna un anri gettah deena es si nett gekend henn, un es aw diah adda eiyah feddah nett gekend henn.

Glawk-Leedah 1:18

“Da Hah is gerecht, doch habb ich mich geyyich sei gebott kshteld. Heichet nau, awl diah leit, un saynet awl mei shmatza. Mei yungi mennah un mayt sinn kfanga vadda un vekk gnumma.

Ezekiel 11:12

No zaylet diah vissa es ich da Hah binn, fa diah sind mei gebodda nett nohch gloffa un hend mei adnunga nett kalda; in blatz funn sell, hend diah di adnunga kalda funn di heida um eich rumm.”