Nehemia 9:28 - Pennsylvania Dutch Bible

²⁸ Avvah so kshvind es si roo katt henn, henn si viddah evil gedu fannich diah. So hosht du si falossa, un si in di hand funn iahra feinda gay glost, so es si ivvah si groold henn. Vo si viddah groofa henn zu diah, hosht du si viddah keaht fumm himmel, un in dei bamhatzichkeit hosht du si ivvah un ivvah frei gmacht.

Nehemia 9:28 Σταυροειδείς Αναφορές

1. Kaynicha 8:39

no heich ab funn deim voon-blatz im himmel. Fagebb un shaff, un gebb zu yaydah mensh so vi eah gedu hott, veil du vaysht vass in seim hatz is, fa du laynich vaysht vass in di hatza funn awl di kinnah funn mensha is.

Psalm 106:42

Iahra feinda henn si nunnah gedredda, un si voahra gedaymeedicht unnich iahra hand.

Psalm 136:24

un hott uns frei gmacht funn unsah feinda, fa sei shtandhaftichi-leevi bleibt ayvichlich;

Jesoiya 63:15

Gukk runnah fumm himmel un sayn uns funn deim heilichah un hallichah voon-blatz. Vo is dei eahnsht un macht? Dei vayyich hatz un bamhatzichkeit vadda zrikk kohva funn uns.

Richtah 2:19

Avvah vann da richtah moll kshtauva is, sinn di leit viddah zrikk gedrayt un henn sich shlimmah ohkshikt es iahra foah-feddah henn bei anri gettah nohch gay un si ohbayda un si deena. Si henn's nett gedu fa iahra evili un dikk-kebbichi vayya ufgevva.

Richtah 3:30

Sellah dawk is Moab unnich di hand funn Israel kumma, un's land hott fridda katt fa achtzich yoah.

Richtah 4:1

Noch demm es da Ehud kshtauva is, hott Israel viddah evil gedu fannich em Hah.

Richtah 5:31

So loss awl dei feinda umkumma, oh Hah! Avvah loss selli es dich leeva, greftich sei vi di sunn es am uf kumma is.” No hott's land fridda katt fa fatzich yoah.