Nehemia 9:22 - Pennsylvania Dutch Bible

²² Du hosht eena kaynich-reicha un heida-lendah gevva, even lendah zu di veitshta ekkah. Si henn's land ivvah-gnumma fumm Sihon, da kaynich funn Hesbon, un's land fumm Og, da kaynich funn Basan.

Nehemia 9:22 Σταυροειδείς Αναφορές

Psalm 105:44

Eah hott eena di lendah funn di heida gevva, un si henn ivvah-gnumma vass anri kshaft henn difoah,

Psalm 78:65

No is da Hah uf gvekt es vi aynah funn seim shlohf, vi en shteikah mann eifahrich vatt funn vei.

Jeremia 27:5

Mitt mei grohsi graft un naus kshtrektah oahm habb ich di eaht, di leit un di diahra es druff sinn gmacht, un ich gebb si zu ennich ebbah es ich vill.

Jeremia 32:23

Si sinn kumma un henn's ivvah-gnumma, avvah si henn diah nett keicht, un sinn dei ksetz nett nohch ganga. Si henn nett gedu vass du si gebodda hosht. So hosht du awl dess evil uf si kumma glost.

Ezekiel 20:28

Vo ich si in's land gebrocht habb es ich kshvoahra katt habb fa eena gevva, un si henn en hohchah hivvel adda en bohm mitt bleddah ksenna, datt henn si iahra opfahra gopfaht, datt henn si mich fa'eiyaht mitt iahra kshenkah, datt henn si goot-shmakkich insens gebrend un datt henn si iahra drink-opfahra ausgleaht.

5. Mosi 1:4

Dess voah noch demm es eah da Sihon, da kaynich funn di Amoriddah, kshlauwa katt hott im greek. Da Sihon hott in Hesbon gvoond. Un's voah aw noch demm es eah da Og, da kaynich funn Basan, kshlauwa katt hott es in Astharoth un Edrei gvoond hott.

5. Mosi 32:26

Ich hett ksawt, ‘Ich zayl si gans ausnannah shtroiya, so es nimmand may an si denkt.’

5. Mosi 4:46

un voahra in di valley nayksht an Beth-Peor east fumm Jordan. Si voahra im land es als zumm Sihon, da kaynich funn di Amoriddah, keaht hott. Eah hott als in Hesbon gvoond un voah ivvah-kumma bei em Mosi un di Kinnah-Israel vo si aus Egypta kumma sinn.

5. Mosi 4:47

Si henn sei land ivvah-gnumma un's land fumm Og, da kaynich funn Basan. Si voahra di zvay Amoriddah kaynicha es als east fumm Jordan Revvah voahra.

Joshua 10:11

Vi si kshprunga sinn funn Israel uf em vayk nunnah funn Beth-Horon hott da Hah grohsi shtay fumm himmel runnah uf si kshmissa biss an Azekah. Un may funn eena voahra doht gmacht funn di shlohsa es di Israeliddah doht gmacht henn mitt em shvatt.

Joshua 11:23

Da Joshua hott's gans land gnumma, grawt vi da Hah da Mosi gebodda katt hott. Eah hott's zu Israel gevva fa en eahbshaft, un hott's fadayld bei di foah-eldra iahra shtamma. No hott's land roo katt funn greek.