Nehemia 9:19 - Pennsylvania Dutch Bible

¹⁹ doch, du in dei grohsi bamhatzichkeit, hosht si nett falossa in di vildahnis. Da volka-poshta hott si nett falossa dawks, fa eena da vayk veisa, un aw nett da feiyah-poshta nachts, fa da vayk hell macha es si gay henn sella.

Nehemia 9:19 Σταυροειδείς Αναφορές

Nehemia 9:12

Du hosht si kfiaht mitt en volka-poshta dawks, un mitt en feiyah-poshta nachts, fa eena licht gevva uf em vayk es si gay sella.

Nehemia 9:27

Fasell hosht du si ivvah-gedrayt in di hand funn iahra feinda, dee es si nunnah gedredda henn. Avvah vo si zu diah groofa henn an di zeit funn iahra angsht, dann hosht du si keaht fumm himmel, un deich dei grohsi bamhatzichkeit, hosht du eena helfah gevva es si aus di hend funn feinda gnumma henn.

Nehemia 9:31

Avvah doch, deich dei grohsi bamhatzichkeit hosht du kenn end gmacht mitt eena, adda si falossa, veil du en gnaydichah un en bamhatzichah Gott bisht.

Psalm 106:45

No hott eah an sei bund gedenkt mitt eena, un deich sei grohsi leevi hott eah nohch glost.

Psalm 136:16

deah es sei leit deich di vildahnis kfiaht hott, fa sei shtandhaftichi-leevi bleibt ayvichlich;

2. Mosi 40:36

Deich awl di zeit es di Kinnah-Israel am rumm gay voahra, vann di volk nuff fumm tempel-tent ganga is, dann sinn si naus kshteaht.

2. Mosi 40:38

Un so lang es si uf em vayk voahra is di volk fumm Hah ivvah da tempel-tent geblivva deich da dawk, un's voah feiyah in di volk deich di nacht. Dess voah fannich di awwa fumm gans haus funn Israel.

Jesoiya 44:21

“Denk an dee sacha, oh Jakob un Israel, fa du bisht mei gnecht. Ich habb dich kshaffa, un du bisht mei gnecht. Ich zayl dich nett fagessa, oh Israel.

Glawk-Leedah 3:22

Em Hah sei shtandhaftichi-leevi heaht nee nett uf, sei bamhatzichkeit hott kenn end.

Ezekiel 20:14

Avvah fa di sayk funn meim nohma habb ich zrikk kohva so es mei nohma nett unheilich vatt in di awwa funn di heida, selli es es ksenna henn vo ich Israel raus gebrocht habb.

Ezekiel 20:17

Avvah doch henn mei awwa si gedavvaht un in blatz funn si umbringa, habb ich nett en end gmacht funn eena datt in di vildahnis.

Ezekiel 20:22

Avvah ich habb mei hand zrikk kohva fa di sayk funn meim nohma, so es mei nohma nett unheilich vatt datt unnich di heida, selli es es ksenna henn vo ich di Kinnah-Israel raus gebrocht habb.

Daniel 9:18

Dray dei oah, oh Gott, un heich mich ab; mach dei awwa uf un gukk an unsah dreebsawl un an di shtatt es dei nohma drawkt. Miah macha unsah gebayt zu diah nett veil miah gerecht sinn, avvah veil du bamhatzich bisht.

Daniel 9:9

Da Hah unsah Gott is bamhatzich un fagebt uns, even vann miah uns kshteibaht henn geyyich een.

Maleachi 3:6

“Ich binn da Hah un ich du nett tshaynsha. Fasell sind diah, du nohch-kummashaft fumm Jakob, nett zu nix gebrocht vadda.”

4. Mosi 14:14

Un si zayla di leit funn demm land sawwa diveyya. Si henn nau shund keaht es du, oh Hah, mitt dee leit bisht, un es du, oh Hah, ksenna voahsht ksicht zu ksicht un dei volk ivvah si bleibt. Si henn keaht es du fannich eena heah gaysht deich da dawk in en volklichah poshta, un in en feiyahrichah poshta deich di nacht.

5. Mosi 8:2

Fagesset nett awl da vayk es da Hah eiyah Gott eich kfiaht hott dee fatzich yoah in di vildahnis, so es eah eich daymeedicha un ausbroviahra hott kenna fa sayna vass in eiyah hatz voah, un eb diah sei gebodda ausdrawwet adda nett.

1. Samuel 12:22

Fa di sayk funn seim grohsah nohma zayld da Hah sei leit nett fa'achta, veil's eem kfellich voah fa eich en leit macha fa sich selvaht.