Nehemia 5:7 - Pennsylvania Dutch Bible

⁷ Ich habb dee sacha ivvah-gedenkt, un habb di evvahshti un foah-gengah fasholda un ksawt zu eena, “Diah sind am indressa nemma funn eiyah aykni breedah!” No habb ich en grohsi fasamling zammah groofa veyyich demm.

Nehemia 5:7 Σταυροειδείς Αναφορές

Psalm 109:11

Loss da geld-laynah alles nemma es eah hott, loss fremdi sell nemma es eah fadeend hott.

Psalm 15:1

Oh Hah, veah dauf in deim tent voona? Veah dauf uf deim heilicha hivvel voona?

Psalm 15:5

Eah laynd sei geld naus unni indressa, un nemd kenn geld hinna rumm fa shvetza geyyich di unshuldicha. Veah-evvah es dee sacha dutt zayld nee nett vekk falla.

Psalm 27:8

Vo du ksawt hosht, “Such fa mei ksicht,” hott mei hatz ksawt, “Dei ksicht, oh Hah, zayl ich sucha.”

Psalm 4:4

In eiyah zann, doond nett sindicha; In eiyah beddah, seind shtill un suchet vass in eiyah hatza is. (Sela)

Psalm 94:16

Veah shtayt uf fa mich geyyich di gottlohsa? Veah shtayt miah bei geyyich di evil-shaffah?

2. Mosi 22:24

un mei zann vatt gleedich hays. Ich mach eich doht mitt em shvatt un eiyah veivah vadda vitt-veivah un eiyah kinnah vadda unni en faddah.

2. Mosi 22:25

Vann du geld laynsht zu ayns funn mei leit unnich eich es oahm is, dann solsht du nett sei vi en geld-laynah. Du solsht kenn indressa tsheahtsha.

Shpricha 27:5

Uffenah shtrohf is bessah es vi fashtekkeldi leevi.

Shpricha 28:4

Selli es es ksetz falossa, lohva di gottlohsa, avvah selli es es ksetz halda, shaffa geyyich si.

Ezekiel 22:12

Dayl funn dei mennah vadda geld kshenkt fa bloot fageesa; du nemsht zu feel indressa, tsheahtsht dei nochbah zu feel un hosht mich gans fagessa, sawkt da Awlmechtich Hah.

Ezekiel 45:9

Dess is vass da Awlmechtich Hah sawkt: Diah sind veit genunk ganga, diah feddahshti funn Israel! Doond vekk mitt eiyah veeshtah unfashtand un ivvah-dreddes, un doond vass recht un goot is. Heahret uf di heisah un's land vekk nemma funn mei leit, sawkt da Awlmechtich Hah.

3. Mosi 19:15

Diah sellet nett uneahlich sei in eiyah gericht. Diah sellet kenn unnahshitt macha fa di oahma, un aw di mechticha nett bei-shtay. Avvah diah sellet feah sei vann diah eiyah nochbah richtet.

3. Mosi 25:36

Nemmet kenn indressa funn eem, avvah firchtet eiyah Gott, so es eiyah broodah ohhalda kann unnich eich voona.

Matthäus 18:17

Vann eah si nett abheicht, gay un sawk's zu di gmay, un vann eah di gmay nett abheicht, loss een sei zu diah vi di ausahra un vi di tax-einemmah.

2. Korinther 5:16

Funn nau on doon miah nimmand may kenna bei vass eah is im flaysh. An ay zeit henn miah Christus gekend bei vass eah voah in seim flaysh, avvah miah kenna een nimmi so nau.

Galater 2:11

Nau vo da Petrus noch Antioch kumma is, habb ich geyyich een kshtanna grawt in's ksicht, veil eah letz voah.

1. Timotheus 5:20

Selli vo sindicha, solsht shtrohfa fannich awl di anra, so es di anra sich aw feicha.

Titus 2:15

Dess sinn di sacha es du sawwa solsht. Famohn un shtrohf di leit vi aynah es es recht hott fa shtrohfa. Loss nimmand dich fa'achta.