Nehemia 5:13 - Pennsylvania Dutch Bible

¹³ No habb ich di runsla in mei glaydah auskshiddeld un habb ksawt, “So loss Gott alli-ebbah ausshidla funn sei haus un sell vass eah aykend, vann eah nett dutt vass eah fashprocha hott. Loss een auskshiddeld sei un leah gmacht sei.” No hott di gans fasamling ksawt, “Amen,” un si henn da Hah glohbt. Un di leit henn gedu vi si fashprocha henn.

Nehemia 5:13 Σταυροειδείς Αναφορές

2. Kaynicha 23:3

Da kaynich hott am shtay-poshta kshtanna un hott en bund gmacht fannich em Hah es si em Hah nohch lawfa zayla un sei gebodda, zeiknisa un adninga halda zayla mitt iahra gans hatz un sayl un es si ausrichta zayla vass kshrivva is im buch. Un awl di leit henn sich in's bund gevva.

1. Chronik 16:36

Lohb sei zumm Hah, da Gott funn Israel, funn ayvichkeit zu ayvichkeit. No henn awl di leit ksawt, “Amen” un “Lohb sei zumm Hah.”

Nehemia 8:6

No hott da Ezra da Hah, da grohs Gott, glohbt. Di leit henn no iahra hend ufkohva un henn ksawt, “Amen! Amen!” No henn si sich nunnah gebikt un henn da Hah ohgebayda mitt iahra ksicht uf em grund.

Psalm 119:106

Ich habb kshvoahra, un zayl's du, es ich dei gerechti adnunga halda zayl.

Psalm 50:14

Opfah zu Gott en dank-opfah, un gebb zumm Alli-Haychshta vass du fashprocha hosht.

Psalm 76:11

Machet fashprechinga zumm Hah eiyah Gott, un haldet si. Awl selli um een rumm sella kshenkah zu eem bringa, un sella sich feicha veyyich eem.

Shpricha 28:4

Selli es es ksetz falossa, lohva di gottlohsa, avvah selli es es ksetz halda, shaffa geyyich si.

Breddichah 5:5

'Sis bessah fa nix fashprecha es vi fa's nett ausdrawwa.

4. Mosi 5:22

un dess vassah es en fluch bringd soll in dei bauch gay un dei bauch macha ufkshvilla un dei hift macha fazeahra.” No soll di fraw sawwa, “Amen. Amen.”

Matthäus 10:14

Vo nimmand eich ohnemd, adda vann nimmand eich abheicht, shidlet da shtawb funn eiyah fees vi diah funn sellem haus adda funn selli shtatt vekk gaynd.

Di Apostelgeschichte 13:51

Avvah si henn da shtawb abkshiddeld funn iahra fees geyyich si, un sinn an di shtatt funn Iconium kumma.

Di Apostelgeschichte 18:6

No vo si geyyich een kshtanna henn un henn gleshtaht, hott da Paulus sei glaydah auskshiddeld un hott ksawt zu eena, “Eiyah bloot soll uf eiyah aykni kebb sei. Ich habb mei shuldichkeit gedu an eich. Ich gay nau zu di Heida.”

1. Korinther 14:16

Vann du saykendsht im geisht, vi kann sellah vo nett fashtayt, “Amen” sawwa zu vass du gedankt hosht difoah vann eah nett vayst vass du am sawwa bisht?

1. Samuel 15:28

No hott da Samuel ksawt, “Da Hah hott's kaynich-reich funn Israel vekk grissa funn diah heit, un hott's zu dei nochbah gevva es bessah is es du.