Nehemia 2:3 - Pennsylvania Dutch Bible

³ Avvah ich habb ksawt zumm kaynich, “Loss da kaynich ayvichlich layva. Favass sett mei ksicht nett bedreebt sei vann di shtatt vo mei foah-feddah fagrawva sinn uf em bodda leit un iahra doahra fabrend sinn mitt feiyah?”

Nehemia 2:3 Σταυροειδείς Αναφορές

1. Kaynicha 1:31

No hott di Bathsheba sich nunnah gebikt mitt iahra ksicht uf da bodda, un hott sich anna gegneet fannich da kaynich un ksawt, “Loss mei hah, da Kaynich Dawfit layva fa'immah!”

2. Kaynicha 25:8

Uf em sivvada dawk im fimfda moonet un im neintzayda yoah fumm Kaynich Nebukadnezar funn Babylon sei reich, is da Nebusaradan an Jerusalem kumma. Eah voah da hauptmann fumm kaynich sei aykni heedah, un voah em kaynich sei gnecht.

2. Chronik 21:20

Da Joram voah zvay un dreisich yoah ald vo eah kaynich is vadda un eah voah kaynich in Jerusalem fa acht yoah. Eah is kshtauva un's hott nimmand kshpeit, un eah voah no fagrawva in di shtatt fumm Dawfit, avvah nett in di kaynich grayvah.

2. Chronik 28:27

Da Ahas hott no kshlohfa mitt sei foah-feddah un voah fagrawva in di shtatt funn Jerusalem, avvah nett in di grayvah funn di kaynicha funn Israel. Sei boo da Hiskia is no kaynich vadda an seim blatz.

2. Chronik 32:33

Da Hiskia hott no kshlohfa mitt sei foah-feddah, un si henn een fagrawva im evvahsht dayl funn di grayvah vo em Dawfit sei nohch-kummashaft is. Gans Juda un di leit funn Jerusalem henn eah gevva zu eem an seim doht. Sei boo da Manasse is no kaynich vadda in seim blatz.

2. Chronik 36:19

Noch sellem hott eah Gott sei tempel fabrend un hott di mavvah funn Jerusalem nunnah grissa. Eah hott awl di kaynich-heisah nunnah gebrend, un hott alles fadauva es ennich ebbes veaht voah.

Nehemia 1:3

Si henn ksawt zu miah, “Selli vo noch ivvahrich sinn un nett kfanga voahra datt im land, sinn in deefah druvvel un shohm. Di shtatt-mavvah funn Jerusalem is nunnah gebrocha un iahra doahra fabrend mitt feiyah.”

Nehemia 2:13

So binn ich nachts naus ganga deich's Valley-Doah geyyich da Dracha-Brunna un's Misht-Doah. Ich habb di mavvahra funn Jerusalem ivvah-gegukt es nunnah gebrocha voahra un di doahra es fabrend voahra mitt feiyah.

Esther 8:6

Vee kann ich's shtenda fa's evil sayna es uf mei leit falla zayld? Vee kann ich's zu sayna diveil es mei aykni freindshaft umgebrocht vatt?”

Psalm 102:14

Dei gnechta henn en grohsi leevi fa di shtatt iahra shtay, un davvahra iahra shtawb.

Psalm 102:15

Di heida zayla em Hah sei nohma firchta, un awl di kaynicha funn di eaht dei hallichkeit.

Psalm 137:6

Loss mei zung ovva in mei maul shtekka, vann ich dich fagess, un vann ich nett Jerusalem mei haychshti frayt mach.

Psalm 38:7

Mei leib is am brenna mitt shmatza, es is nix ksundes in meim flaysh.

Jeremia 52:12

No uf em zeyyada dawk im fimfda moonet un im neintzayda yoah fumm Kaynich Nebukadnezar funn Babylon sei reich, is da Nebusaradan an Jerusalem kumma. Eah voah da hauptmann fumm kaynich sei aykni heedah, un voah em kaynich sei gnecht.

Glawk-Leedah 2:9

Iahra doahra sinn deef in di eaht ksunka, iahra rikkel voahra fabrocha un zu nix gmacht. Iahra kaynich un di feddahshti sinn nau unnich di heida; es ksetz is nimmi may, un di brofayda kenna nimmi lengah visions greeya fumm Hah.

Daniel 2:4

No henn di Chaldayah ksawt zumm kaynich in di Chaldayish shprohch, “Da kaynich soll ayvichlich layva! Sawk dei gnechta dei drohm. No sawwa miah diah vass es maynd.”

Daniel 3:9

Si henn ksawt zumm Kaynich Nebukadnezar, “Oh kaynich, du solsht ayvichlich layva.

Daniel 5:10

Em kaynich sei maemm hott da kaynich un sei evvahshti keaht shvetza un is rei kumma in di shtubb vo's grohs essa voah. See hott ksawt, “Oh kaynich, layb ayvichlich! Sei nett fagelshtaht un so blayich!

Daniel 6:21

Da Daniel hott andvat gevva, “Oh kaynich, layb ayvichlich!

Daniel 6:6

No sinn di ivvah-saynah un di govvenahs zammah ganga un sinn zumm kaynich kumma. Si henn ksawt, “Kaynich Darius, layb ayvichlich!

3. Mosi 26:31

Ich dray eiyah shtett zu trash, un reis eiyah tempels nunnah, un du's nett fa eiyah goot-shmakkichi opfahra shmakka.