Nehemia 12:47 - Pennsylvania Dutch Bible

⁴⁷ So in di dawwa fumm Serubabel un em Nehemia hott gans Israel en tayklich dayl gevva fa di singah un doah-heedah. Si henn aw en dayl vekk ksetzt fa di Lefiddah, un di Lefiddah henn's dayl vekk ksetzt fa em Aaron sei kinnah, di preeshtah.

Nehemia 12:47 Σταυροειδείς Αναφορές

2. Kaynicha 25:30

Da kaynich funn Babylon hott em Joiachin geld gevva alli dawk fa kawfa vass eah gebraucht hott. Eah hott dess gedu so lang es da Joiachin glaybt hott.

2. Kaynicha 7:10

So sinn si zrikk ganga, henn groofa zu du shtatt-doah-heedah un henn ksawt, “Miah sinn zu di Syrians iahra camp ganga, un's voah nimmand datt, kenn yacht adda mensha-shtimma. 'S voahra yusht ohgebunnani geil un aysla un di tents grawt vi si si glost henn.”

Ezra 2:2

Si sinn kumma mitt em Serubabel, em Jesua, em Nehemia, em Seraia, em Reelaja, em Mordecai, em Bilshan, em Mispar, em Bigvai, em Rehum un em Baana. Dess sinn di nambahs funn di mennah funn di leit funn Israel:

Nehemia 11:23

Di singah voahra unnich em kaynich sei gebott, un si henn missa en gleicha dayl havva alli dawk.

Nehemia 12:1

Dess voahra di preeshtah un Lefiddah es zrikk kumma sinn mitt em Sealthiel sei boo, da Serubabel, un mitt em Jesua: da Seraia, da Jeremia, da Ezra,

Nehemia 12:12

An di zeit fumm Joiakim voahra di evvahshti funn di preeshtah kshlechtah dee mennah: fumm Seraia sei kshlecht voah's da Meraia, fumm Jeremia seini voah's da Hanania,

Nehemia 12:26

Si voahra datt an di zeit fumm Joiakim, em Jesua sei boo, es em Jozadak sei boo voah, un an di zeit es da Nehemia govvenah voah un da Ezra preeshtah un shrift-geleahrah voah.

Galater 6:6

Loss sellah vo gland vatt im Vatt awl goodi sacha fadayla mitt sellah vo een land.

5. Mosi 18:8

Eah soll en gleichlich dayl greeya zu essa so vi di anra Lefiddah, un dauf's geld halda es sei family eem shikt vann si funn iahra sacha fakawfa.