Nahum 2:5 - Pennsylvania Dutch Bible

⁵ Di hauptmennah vadda bei groofa, si shtolbahra vi si gayn. Si dumla sich nuff an di shtatt vand, un doon's shield ovvich di blekk es di vand nunnah renna.

Nahum 2:5 Σταυροειδείς Αναφορές

Jesoiya 21:5

Si rishta da dish, si layya di rugs uf da bodda, si essa un drinka! Uf aymol kumd's vatt. Diah foah-gengah, doond ayl uf di greeks-shields!

Jesoiya 5:27

Nimmand funn eena is meet un shtolbaht, nimmand is shlayfahrich un shlohft; nett en belt um da bauch rumm is lohs-kshnald, nett en shoo-bendel is farissa.

Jeremia 46:12

Di heida zayla heahra funn deim shohm; dei heiles fild di eaht. Ay greeks-gnecht fald ivvah da annah, un si falla awl zvay nunnah.”

Jeremia 50:29

Roofet di bow-sheesah geyyich Babylon, awl selli es da bow zeeya kenna. Hokket eich uf gans um see rumm, losset nimmand vekk kumma. Betzawlet see zrikk fa vass see gedu hott, doond zu iahra vi see gedu hott, veil si shtols kshaft hott geyyich da Hah, da Heilich Gott funn Israel.

Nahum 2:6

Di revvah vassah-deahra vadda uf gmacht, un di leit im kaynich-haus sinn fagelshtaht.

Nahum 3:18

Dei shohf-heedah sinn am shlohfa, oh kaynich funn Assyria, dei feddahshti sinn am roowa. Dei leit sinn fashtroit ivvah di berga, un's is nimmand fa si zammah bringa.

Nahum 3:3

Leit uf geil am fassich shpringa, mitt sheinichi shvadda, un glitzahrichi shpiahra! Feel kshlauwani uf em bodda, heifa funn dohdi, dohdi leit unni end, un leit am shtolbahra ivvah di dohda.

Habakuk 1:8

Iahra geil gayn shteikah es leopards, un sinn rawsichah es velf am dushbah. Iahra geil-reidah kumma shteik, si kumma funn veit ab; si fleeya vi en awdlah am runnah kumma fa fressa.