Micha 7:1 - Pennsylvania Dutch Bible

¹ Vay zu miah! Es gayt mitt miah vi aynah es di drauva ab-shneida vill; es sinn kenn drauva ivvahrich zu essa, un aw kenn zeidichi feiya, selli es ich gleich.

Micha 7:1 Σταυροειδείς Αναφορές

Psalm 120:5

Es is miah vay, es ich voona muss unnich eich in Mesech, un in di tents funn Kedar.

Shpricha 20:6

Feel leit sawwa vi shtandhaftich es si sinn, avvah's is hatt fa ebbah finna es gedraut sei kann.

Jesoiya 17:6

Avvah's zayld doch samm ivvahrich sei, so es vi vann en ayl-bohm kshiddeld vatt un's lost zvay adda drei in di evvahshta nesht, un fleicht fiah adda fimf in di fruchtboahra nesht.” Dess sawkt da Hah, da Gott funn Israel.

Jesoiya 24:13

So zayld's sei uf di eaht, un unnich di heida, so es vi da ayl-bohm kshiddeld vatt, un di letshta drauva abkshnidda vadda.

Jesoiya 24:16

Miah heahra leit singa funn di endah funn di eaht: “Hallichkeit zumm Gerechta.” Avvah ich muss sawwa, “Favass binn ich so aylendich, favass binn ich so aylendich, vay zu miah! Di zvay-ksichticha zayla zvay-ksichtich sei, un di falsha yusht noch may falsh.”

Jesoiya 28:4

Selli hallich blumm es am favelka is, selli es am evvahsht end funn en fruchtboahri valley hokt, zayld sei vi en freeyi frucht es zeidich is eb zeit, un ebbah saynd si, nemd si in di hand un est si kshvind.

Jesoiya 6:5

No habb ich ksawt, “Vay zu miah, ich binn faloahra! Fa ich binn en mann mitt unreini leftz, un ich voon unnich en leit mitt unreini leftz; avvah doch henn mei awwa da Kaynich, da Awlmechtich Hah, ksenna.”

Jeremia 15:10

“Vay zu miah, mei maemm, es du mich geboahra hosht, en mann es es gans land shtreit mitt un digeyya is! Ich habb kenn geld glaynd un aw nix naus glaynd, un doch, alli-ebbah faflucht mich.”

Jeremia 24:2

Ayns funn di keahb hott shayni feiya drinn katt, so vi selli es seahsht zeidich vadda. Da annah koahb hott shlechti feiya drinn katt, zu shlecht fa essa.

Jeremia 4:31

Ich heah ebbah am greisha, vi en fraw am en kind havva, en geyammah vi ayni am iahra eahsht kind havva. Di Dochtah funn Zion is am greisha un hatt shnaufa, am iahra hend naus shtrekka un sawwa, “Vay zu miah, ich binn faddich, si zayla mich umbringa.”

Jeremia 45:3

Du hosht ksawt, ‘Vay zu miah! Da Hah hott dreebsawl ovva uf mei shmatza gedu. Ich binn ausgvoahra funn yammahra un ich kann kenn roo finna.’”

Jeremia 5:1

“Gay uf un ab deich di shtrohsa funn Jerusalem, gukk un nemm's ei; such deich di shtatt iahra shtrohsa. Vann du ay mensh findsht es eahlich is un di voahheit sucht, dann fagebb ich di shtatt.

Hosea 9:10

“Vo ich Israel seahsht kfunna habb, voah's vi drauva finna in di vildahnis; vo ich eiyah foah-feddah ksenna habb, voah's vi's eahsht-frucht uf em feiya-bohm sayna. Avvah no sinn si zumm Baal-Peor ganga, un henn sich ivvah-gevva zu demm shandlich abgott biss si so grausam voahra es deah es si glohbt henn.

4. Mosi 18:13

Awl's eahsht-frucht fumm gansa land es si zumm Hah bringa is eiyah. Alli-ebbah es rein is in eiyah heisah dauf dess essa.