Micha 6:7 - Pennsylvania Dutch Bible

⁷ Is da Hah kfellich mitt dausends funn shohf-bekk, mitt zeyya dausend revvahra funn ayl? Soll ich mei eahsht-geboahra kind opfahra fa mei sinda, es frucht funn meim leib fa di sinda funn mei sayl?

Micha 6:7 Σταυροειδείς Αναφορές

2. Kaynicha 16:3

Avvah eah hott gedu vi di kaynicha funn Israel gedu henn. Eah hott even sei boo fabrend im feiyah fa en opfah. Eah hott dess gedu fa di grausami vayya nohch gay es di leit fumm land gedu henn, dee es da Hah naus gyawkt katt hott fannich di Israeliddah.

2. Kaynicha 21:6

Eah hott sei boo gopfaht bei een in's feiyah du, hott hexahrei gedrivva, zaycha auslayya glost un geishtah nohch ksucht. Eah hott veeshtahlich evil gedrivva im Hah sei awwa un hott een oahrich bays gmacht.

2. Kaynicha 23:10

Da kaynich hott aw da blatz Thopheth unrein gmacht in di Valley funn di Kinnah Hinnom. Dess voah so es nimmand sei boo adda maydel uf opfahra kend im feiyah fumm abgott Moloch.

2. Kaynicha 3:27

No hott da kaynich sei eldshtah boo gnumma, deah es kaynich vadda hott sella an seim blatz, un hott een gopfaht fa en brand-opfah uf di shtatt-mavvah. No is en grohsah zann geyyich Israel kumma, un si henn zrikk gezowwa funn eem un sinn in iahra ayya land ganga.

Hiob 29:6

vo mei pawt gvesha voah in millich, un di felsa ayl ausgleaht henn fa mich!

Psalm 50:9

Ich habb kenn noht fa en bull funn dei sheiyah, adda fa gays funn dei shtall.

Psalm 51:16

Du bisht nett froh mitt en opfah, adda dann dayt ich diah's bringa; brand-opfahra kfalla diah nett.

Psalm 51:18

Deich dei gnawt du goot zu Zion; bau di mavvahra funn Jerusalem uf.

Shpricha 15:8

Es opfah funn di gottlohsa is grauslich zumm Hah, avvah di gebaydah funn di ufrichticha sinn eem kfellich.

Shpricha 21:3

Fa du vass recht un feah is, is may leeblich zumm Hah es opfahra.

Jesoiya 1:1

Dess is di vision fumm Jesoiya, em Amoz sei boo, es eah ksenna hott veyyich Juda un Jerusalem an di zeit es da Usia, da Jotham, da Ahas un da Hiskia kaynicha voahra in Juda.

Jesoiya 40:16

Even Lebanon iahra busha sinn zu vennich fa awldah feiyahra macha, adda iahra diahra zu vennich fa brand-opfahra.

Jeremia 19:5

Si henn awldahra zumm Baal gebaut in di hohcha-bletz so es si iahra kinnah opfahra kenna im feiya zumm abgott Baal. Dess is ebbes es ich si nett gebodda habb adda ksawt habb, un's is miah nett even in di sinn kumma.

Jeremia 6:20

Vass gebb ich um insens funn Seba, adda salb-ayl funn en land veit ab? Eiyah brand-opfahra nemm ich nett oh; eiyah opfahra kfalla miah nett.”

Jeremia 7:31

Si henn en hohchah awldah gebaut es Thopheth hayst in di Valley funn Ben-Hinnom fa iahra boova un mayt fabrenna mitt feiyah. Dess is ebbes es ich si nett gebodda habb fa du, un so ebbes is miah nett im sinn kumma.

Ezekiel 23:37

Si henn di ay gebrocha un henn bloot uf iahra hend. Si henn di ay gebrocha mitt iahra abgettah, un henn iahra kinnah gopfaht zu eena es ess-sach fa si. Dess voahra di kinnah es si geboahra henn zu miah.

Hosea 5:6

Vann si kumma mitt iahra shohf un kee fa da Hah sucha, dann finna si een nett, veil eah sich zrikk gezowwa katt hott funn eena.

Hosea 6:6

Fa ich gukk fa bamhatzichkeit, nett fa opfahra, un es leit Gott bekenna, leevah es brand-opfahra.

3. Mosi 18:21

Du solsht kens funn dei kinnah gevva fa gopfaht sei zumm Moloch, un deich sell da nohma funn dei Gott fashohma. Ich binn da Hah.

3. Mosi 20:1

No hott da Hah kshvetzt zumm Mosi un hott ksawt,

Amos 5:22

Diah bringet miah brand-opfahra un shpeis-opfahra, avvah ich zayl si nett ohnemma. Un vann diah feddi diahra bringet fa dank-opfahra, dann zayl ich si nett ohgukka.

Philemon 1:12

Ich habb een viddah zrikk kshikt, so nemm een oh, deah vo is vi mei ayya hatz.

Richtah 11:31

dann vass-evvah es aus di deah funn meim haus kumd fa mich ohdreffa vann ich zrikk kumm funn di Ammoniddah ivvah-kumma, dess soll em Hah sein sei un ich mach en brand-opfah difunn.”

Richtah 11:39

Noch di zvay moonet is si zrikk zu iahra daett kumma un eah hott gedu mitt iahra vi eah fashprocha katt hott. See hott nee nett kshlohfa mitt en mann. Deich dess is es en layves-vayk vadda in Israel,

1. Samuel 15:22

Da Samuel hott no ksawt, “Hott da Hah may blesiah in opfahra un brand-opfahra es vi em Hah sei shtimm heicha? Gukk moll, fa heicha is bessah es opfahra, un fa's du is bessah es es fett funn shohf-bekk.