Micha 5:7 - Pennsylvania Dutch Bible

⁷ No zayla selli es ivvahrich sinn fumm Jakob naus unnich feel leit kshtroit sei, vi da dau fumm Hah, un vi da reyyah uf em graws, da reyyah es nett voaht fa ennich ebbah, es nett voaht uf di mensha.

Micha 5:7 Σταυροειδείς Αναφορές

2. Samuel 17:12

No fechta miah een vo-evvah es eah kfunna is. Miah falla uf een vi da dau uf da bodda fald. Nett eah, adda ennich's funn sei mennah zayla levendich bleiva.

Psalm 110:3

Dei leit zayla sich frei-villich ohbeeda, uf em dawk es du eena foah gaysht im heilicha glayt. Vi du yung voahsht, kumma dei grefta zu diah alli dawk vi da dau aus em meiya-roht.

Psalm 133:3

Es is vi da dau fumm Berg Hermon, es runnah fald uf di hivla funn Zion, fa datt gebt da Hah sei sayya, un dess is layva fa'immah un immah.

Psalm 72:6

Loss een sei vi reyyah es uf gmayt graws fald, vi di drobba es es land vessahra.

Shpricha 19:12

En kaynich sei zann is vi's roahres funn en layb, avvah sei gnawt is vi da dau uf em graws.

Jesoiya 32:15

biss da Geisht ausgleaht is uf uns funn in di hay, un di vildahnis en fruchtboah feld vatt, un's fruchtboah feld gukt vi en bush.

Jesoiya 44:3

Fa ich zayl vassah uf's dashtich land leahra, un vassah lawfa macha uf em drukkana grund. Ich leah mei Geisht aus uf dei kinnah, un mei sayya uf dei nohch-kummashaft.

Jesoiya 55:10

Vi da reyyah un shnay runnah kumma fumm himmel, un gayn nett zrikk unni es si di eaht vessahra, un di eaht fruchtboah un bleeya macha, so es see sohma macht fa sellah es sayt, un broht fa sellah es est;

Jesoiya 66:19

Ich zayl en zaycha unnich si setza, un selli es ivvahrich sinn, zu di heida-lendah shikka—zu Tharsis, zu Phul un Lud (goodi bow-sheesah), zu Thubal un Javan, un zu di islands es veit ab es noch nett keaht henn funn miah un mei hallichkeit. Si zayla mei hallichkeit vissa lossa unnich di heida.

Jeremia 14:22

Hott's ennichi abgettah unnich di heida es reyya bringa kenna? Kenna di himla selvaht reyya runnah shikka? Nay, 'sis dich, oh Hah unsah Gott. Fasell is unsah hofning in diah, fa du bisht sellah es awl dee sacha dutt.

Ezekiel 14:22

Avvah doch, es zayla dayl levendich bleiva, boova un mayt awl zvay zayla deich kumma. Vann si zu eich kumma un diah iahra vayya saynet un vass si doon, dann zaylet diah gedrohsht sei veyyich demm fadauves es ich uf Jerusalem kumma glost habb, un alles shunsht es ich uf di shtatt gebrocht habb.

Ezekiel 47:1

No hott eah mich zrikk gebrocht an's doah fumm tempel, un gukk moll, vassah voah am unnich di shvell raus lawfa geyyich di east. (Es feddahsht end fumm tempel voah geyyich di east.) Un's vassah voah aw am unnich di saut seit fumm tempel raus lawfa, sauda fumm awldah fabei.

Ezekiel 5:5

Dess is vass da Awlmechtich Hah sawkt: Dess is Jerusalem. Ich habb see in di mitt funn di heida ksetzt, mitt anri lendah gans um see rumm.

Daniel 11:32

Mitt gladdi vadda zayld eah selli zu sich zeeya es es bund falossa henn, avvah selli es iahra Gott kenna zayla shtandhaftich ufshtay un geyyich een sei.

Hosea 14:5

Ich vill sei zu Israel vi da dau; eah zayld bleeya vi en lilya-blumm. Sei vatzla zayla ausshlauwa vi di cedar-baym in Lebanon.

Hosea 6:3

Vella fleisich sei un da Hah bekenna; so shuah es di sunn ufkumd zayld eah sich veisa; eah kumd zu uns vi da vindah reyyah, un vi da free-yoah reyyah es di eaht vessaht.”

Joel 2:32

Un alli-ebbah es da nohma fumm Hah ohrooft, zayld saylich vadda; fa uf em Berg Zion un in Jerusalem zayla selli sei es frei gmacht sinn, so vi da Hah ksawt hott, even unnich selli ivvahricha es da Hah rooft.”

Amos 5:15

Hasset vass evil is, leevet vass goot is, gevvet leit vass iahra recht is in di courts. Fleicht vatt da Hah, da Awlmechtich Gott, gnaydich zu selli es ivvahrich sinn fumm Joseph.

Micha 2:12

Ich zayl geviss eich awl zammah fasamla, diah leit fumm Jakob; ich zayl geviss es ivvahricha funn Israel zammah bringa. Ich bring si zammah es vi shohf in en shtall, vi en drubb in di vayt. Deah blatz zayld yachtich sei mitt feel leit.

Micha 4:13

“Shtay uf un dresh, du dochtah Zion, ich gebb diah eisichi hanna, un hoofs gmacht funn bronze. So es du feel heida ufmawla kansht.” Di sacha es si gnumma henn gebsht du zumm Hah; iahra keshtlich sach gebsht du zumm Hah funn di gans veld.

Micha 4:7

Ich gebb selli lohma en neiyah ohfang, un selli es vekk gedrivva voahra mach ich in en shteik folk. Da Hah zayld iahra kaynich sei im Berg Zion, funn sellah dawk on un fa'immah.

Micha 5:3

Fasell zayld eah Israel ufgevva zu iahra feinda, biss di fraw es am en kind havva is, iahra kind hott. No zayla di ivvahricha funn sei breedah viddah zrikk zu di Kinnah-Israel kumma.

Micha 5:8

Selli es ivvahrich sinn aus em Jakob zayla unnich di heida kshtroit sei, unnich feel leit vi en layb unnich di diahra fumm bush, vi da yung layb unnich di shohf-drubba es si famawld un fareist vi eah gayt, un es nimmand shtobba kann.

Micha 7:18

Veah is en Gott vi du, deah es sinda fagebt un es di shulda fagest funn dei leit es ivvahrich sinn? Dei zann bleibt nett fa'immah, avvah du gleichsht bamhatzich sei.

Zephania 3:13

Di ivvahricha in Israel zayla nett letz du; si sawwa kenn leeya, un kenn fafiahrichi vadda sinn in iahra meilah. Si zayla essa un sich anna layya, un nimmand macht si sich feicha.”

Sacharia 14:8

Uf sellem dawk zayld levendich vassah aus Jerusalem lawfa. Dihelft lawft in da say in di east, un dihelft in da say in di west; dess zayld im summah sei un aw im vindah.

Sacharia 9:13

Ich zayl Juda beeya vi ich mei bow beek, un mach Ephraim vi mei arrow. Ich zayl dei yungi mennah ufshtadda, oh Zion, geyyich di yunga mennah fumm land Grees, un zayl dich macha vi en greeks-mann sei shvatt.

Matthäus 28:19

Fasell gaynd un machet yingah in alli lendah, un dawfet si im nohma fumm Faddah, un fumm Sohn, un fumm Heilicha Geisht.

Di Apostelgeschichte 11:15

Un vi ich ohkfanga habb shvetza, is da Heilich Geisht uf si kumma, grawt vi eah is uf uns im ohfang.

Di Apostelgeschichte 13:46

No hott da Paulus un da Barnabas frei raus kshvetzt un henn ksawt, “Es voah nohtvendich es miah's Vatt Gottes seahsht zu eich sawwa. Avvah miah sayna es diah's yusht vekk doond funn eich, un richtet es diah's nett veaht sind fa ayvich layva havva, so gayn miah zu di Heida.

Di Apostelgeschichte 16:9

Datt is en vision zumm Paulus kumma in di nacht. Eah hott en mann funn Matzedonia ksenna datt shtay. Deah mann hott ohkalda an eem un hott ksawt, “Kumm do rivvah an Matzedonia un helf uns.”

Di Apostelgeschichte 9:15

Avvah da Hah hott ksawt zu eem, “Gay zu eem, ich habb een raus groofa fa en zeiya sei fa mich, un fa mei nohma zu di Heida nemma, un zu kaynicha, un zu di kinnah funn Israel.

Römer 10:20

Avvah da Jesaia hott grawt fanna rumm ksawt, “Ich voah kfunna bei selli es mich nett ksucht henn; ich habb mich gvissa zu selli es miah nett nohch kfrohkt henn.”

Römer 11:12

Nau vann iahra unglawva es ivvahrich funn di veld reich gmacht hott, un iahra falles di Heida reich gmacht hott, vi feel may maynd's vann iahra nambah moll foll is?

Römer 9:30

Vass sella miah dann sawwa? Miah sawwa es dee vo nett Yudda sinn un henn di gerechtichkeit nett ksucht, henn si nau grikt. Sell is, si henn di gerechtichkeit grikt deich da glawva,

1. Korinther 3:6

Ich habb geblanst un da Apollos hott's gvessaht, avvah Gott hott's vaxa gmacht.

5. Mosi 32:2

Loss vass ich eich lann, runnah falla vi reyyah un mei vadda vi da dau, vi di drobba uf nei graws, un vi goodah reyya uf neiyi shprauts.

Richtah 6:36

Da Gideon hott ksawt zu Gott, “Vann du Israel frei machsht deich mich vi du fashprocha hosht—