Micha 5:5 - Pennsylvania Dutch Bible

⁵ Eah zayld fridda bringa. An di zeit es di leit funn Assyria in unsah land kumma fa greek macha, un brecha in unsah heisah nei, dann shtella miah sivva heedah uf geyyich si, even acht evvahshti foah-gengah funn di mennah.

Micha 5:5 Σταυροειδείς Αναφορές

Hiob 5:19

Aus em druvvel nemd eah dich sex mohl; even sivva mohl dutt evil diah kenn shawda.

Psalm 72:7

In sei dawwa loss di gerechta bleeya, un grohsah fridda sei biss da moon nimmi is.

Shpricha 30:18

Drei sacha sinn zu vundahboah fa mich, fiahda doon ich nett fashtay:

Shpricha 30:29

Es sinn drei dingah es shtols lawfa, fiahra es lawfa mitt iahra kebb in di hay:

Shpricha 6:16

Es sinn sex sacha es da Hah hast, un sivva es eah nett shtenda kann:

Breddichah 11:2

Gebb en dayl zu sivva adda acht leit, fa du vaysht nett vass fa druvvel es es gevva zayld uf di eaht.

Jesoiya 14:25

Ich brech nunnah di macht funn di Assyrians in mei land. Uf mei berga shtamb ich si nunnah. Iahra yoch vatt ab funn mei leit gnumma, un iahra gvicht vatt funn mei leit iahra shuldahra gnumma.”

Jesoiya 44:28

deah es sawkt veyyich em Cyrus, ‘Eah is mei shohf-heedah, un zayld du vass ich havva vill; eah zayld sawwa veyyich Jerusalem, “Loss es ivvah gebaut sei,” un veyyich em tempel, “Loss da fuddah glaykt sei.”’”

Jesoiya 59:19

Em Hah sei nohma firchta si funn di west, un sei hallichkeit funn di east vo di sunn ufkumd. Eah zayld kumma vi hohch vassah in en revvah, es da vind fumm Hah dreibt.

Jesoiya 65:8

Dess is vass da Hah sawkt: “So vi da nei vei kfunna is in en hengel drauva, un ebbah sawkt, ‘Fadaub en nett, 'sis noch samm goot drinn,’ so is es mitt mei gnechta, ich zayl si nett awl fadauva.

Jesoiya 7:14

Fasell gebt da Hah selvaht en zaycha zu diah: En yung leddich maydel zayld en kind in sich havva, un en boo vatt geboahra zu iahra. See zayld een Emmanuel haysa.

Jeremia 33:15

In selli dawwa un an selli zeit, mach ich en Gerechtah Nasht ufvaxa es fumm Dawfit sei nohch-kummashaft is; eah zayld du vass recht is im land.

Amos 1:3

Dess is vass da Hah sawkt: “Fa di shtatt Damascus iahra feel sinda, even fa drei adda fiah, dann dray ich nett vekk funn si shtrohfa. Veil si Gilead gedrosha henn bei en shlayf mitt eisichi zay ivvah si zeeya,

Amos 1:6

Dess is vass da Hah sawkt: “Fa di shtatt Gaza iahra feel sinda, even fa drei adda fiah, dann dray ich nett vekk funn si shtrohfa. Veil si en gans folk vekk gnumma henn funn haym, un di leit fakawft henn zumm land Edom,

Sacharia 10:11

Si zayla mitt angsht deich da say gay; di vella im say vadda kshlauwa, un di deefa bletz im Nile Revvah drikla uf. Di shtolsheit funn Assyria vatt nunnah gebrocht, un Egypta zayld iahra graft faliahra.

Sacharia 10:3

Mei zann brend geyyich di fremda shohf-heedah, un ich zayl di shohf-bekk es foah-gayn shtrohfa, veil da Awlmechtich Hah acht gebt uf sei drubb, dee es es folk funn Juda sinn. Eah macht si vi en shtolsah gaul im greek.

Sacharia 12:6

Uf sellem dawk mach ich di evvahshta funn Juda vi en feiyah-pann in en hols-haufa, adda vi en flamm unnich drukkani shayb in di eahn. Si zayla awl di leit uf di rechts un lings seit ufbrenna, avvah di leit funn Jerusalem zayla viddah in iahra aykni bletz sei in Jerusalem.

Sacharia 9:10

Ich nemm di greeks-veyya vekk fumm Ephraim, un di greeks-geil funn Jerusalem, un da greeks-bow zayld fabrocha sei. Da kaynich zayld fridda macha unnich di heida. Eah zayld roola funn aym say zumm anrah, un fumm Revvah biss an's end funn di eaht.

Sacharia 9:13

Ich zayl Juda beeya vi ich mei bow beek, un mach Ephraim vi mei arrow. Ich zayl dei yungi mennah ufshtadda, oh Zion, geyyich di yunga mennah fumm land Grees, un zayl dich macha vi en greeks-mann sei shvatt.

Lukas 2:14

“Grohsi eah sei zu Gott im haychshta, un fridda uf di eaht unnich mensha, dee vo eah froh is mitt.”

Johannes 14:27

Ich loss fridda bei eich; mei fridda gevvich zu eich; ich gebb eich da fridda nett vi di veld gebt. Losset eiyah hatza nett gedruvveld sei un feichet eich aw nett.

Johannes 16:33

Ich habb eich dee sacha ksawt so es diah fridda havva sellet deich mich. In di veld zaylet diah dreebsawl havva, avvah froiyet eich, ich binn di veld ivvah-kumma.”

Di Offenbarung 17:14

Si zayla greek macha geyyich's Lamm, avvah's Lamm zayld si ivvah-kumma veil eah da Hah is funn awl di hahra, un da Kaynich funn awl kaynicha. Un selli vo bei eem sinn, sinn di groofana, di raus glaysana un di shtandhafticha.”

Di Offenbarung 19:14

Di greeks-gnechta fumm Himmel sinn eem nohch kumma uf veisi geil. Si voahra ohgedu in fei linnen duch es veis un rein voah.