Micha 5:3 - Pennsylvania Dutch Bible

³ Fasell zayld eah Israel ufgevva zu iahra feinda, biss di fraw es am en kind havva is, iahra kind hott. No zayla di ivvahricha funn sei breedah viddah zrikk zu di Kinnah-Israel kumma.

Micha 5:3 Σταυροειδείς Αναφορές

1. Kaynicha 14:16

Un eah zayld Israel ufgevva deich di sinda es da Jerobeam gedu hott, un es aw gmacht es Israel si gedu hott.”

2. Chronik 30:7

Seind nett vi eiyah foah-feddah un breedah es ksindicht henn geyyich da Hah, da Gott funn iahra foah-feddah, deah es si en ayklich ding gmacht hott, vi diah sayna kennet.

Psalm 67:3

Awl di leit sella dich preisa, oh Gott, awl di leit sella dich preisa.

Jesoiya 11:11

In sellem dawk zayld da Hah viddah's zvett mohl sei hand naus langa, un zayld sei leit ohnemma es ivvahrich sinn— selli funn Assyria, Egypta, Pathros, Kush Elam, Shinar, Hamath, un selli es funn di islands fumm say sinn.

Jesoiya 49:6

Eah sawkt: “Es is zu leicht en ding es du mei gnecht sei solsht fa di shtamma fumm Jakob zammah bringa, un di leit funn Israel zrikk bringa es ich kalda habb. Ich zayl dich aw en licht macha zu di Heida, so es du mei saylichkeit zu di endah funn di eaht bringsht.”

Jeremia 23:5

“Di dawwa sinn am kumma,” sawkt da Hah, “vann ich en gerechtah Nasht raus roof aus em Dawfit sei nohch-kummashaft, en Kaynich es roold mitt veisheit, un richt in gerechtichkeit im land.

Jeremia 31:1

“An selli zeit,” sawkt da Hah, “zayl ich da Gott sei funn awl di kshlechtah funn Israel, un si zayla mei leit sei.”

Ezekiel 34:16

Ich zayl sucha fa selli es faloahra sinn un si zrikk bringa. Ich binn di fagribbelda uf un mach di shvacha shteik, avvah selli es fett un shteik sinn mach ich doht. Ich gebb eena vayt es recht is.

Hosea 11:8

Vi kann ich dich ufgevva, Ephraim? Vi kann ich dich ivvah-drayya, Israel? Vi kann ich du zu diah vass ich habb zu Adama, adda vass ich habb zu Zeboim? Mei hatz is gedrayt in miah, un mei bamhatzichkeit lawft ivvah.

Hosea 2:14

“So nau zayl ich see zu miah lokka; ich fiah see in di vildahnis, un shvetz freindlich zu iahra.

Hosea 2:9

So, nemm ich mei frucht vekk vann's zeidich vatt, un mei neiyah vei an di eahn. Ich nemm aw mei vull un flax vekk es gevva voah fa iahra nakkichheit zu dekka.

Amos 5:15

Hasset vass evil is, leevet vass goot is, gevvet leit vass iahra recht is in di courts. Fleicht vatt da Hah, da Awlmechtich Gott, gnaydich zu selli es ivvahrich sinn fumm Joseph.

Micha 4:4

Alli-ebbah zayld unnich sei ayknah vei-shtokk hokka un unnich sei ayknah feiya-bohm. Nimmand zayld si macha sich feicha, fa da Awlmechtich Hah hott dess ksawt mitt seim maul.

Micha 4:7

Ich gebb selli lohma en neiyah ohfang, un selli es vekk gedrivva voahra mach ich in en shteik folk. Da Hah zayld iahra kaynich sei im Berg Zion, funn sellah dawk on un fa'immah.

Micha 5:7

No zayla selli es ivvahrich sinn fumm Jakob naus unnich feel leit kshtroit sei, vi da dau fumm Hah, un vi da reyyah uf em graws, da reyyah es nett voaht fa ennich ebbah, es nett voaht uf di mensha.

Micha 5:8

Selli es ivvahrich sinn aus em Jakob zayla unnich di heida kshtroit sei, unnich feel leit vi en layb unnich di diahra fumm bush, vi da yung layb unnich di shohf-drubba es si famawld un fareist vi eah gayt, un es nimmand shtobba kann.

Micha 6:14

Diah zaylet essa avvah nett satt sei; diah zaylet alsnoch hungahrich un leah sei. Diah zaylet sacha ufshtoahra un doch nix havva, veil ich's vekk nemm funn eich mitt em shvatt.

Micha 7:13

'S ivvahricha funn di eaht zayld veesht un leah sei, deich di ungerechta verka funn selli es drinn layva.

Sacharia 10:6

“Ich mach selli fumm Juda sei nohch-kummashaft shteik, un mach em Joseph sei nohch-kummashaft frei. Ich zayl si viddah zrikk bringa veil ich bamhatzich binn zu eena. Si zayla sei vi si voahra, grawt es vann ich si nett nunnah gedrayt hett, veil ich da Hah iahra Gott binn zayl ich si abheicha.

Matthäus 1:21

Es zayld en boo geboahra vadda funn iahra un du solsht sei nohma Jesus haysa. Eah zayld sei leit saylich macha funn iahra sinda.”

Matthäus 12:50

Fa ennich ebbah es da villa dutt funn meim Faddah im Himmel is mei broodah, mei shveshtah un mei maemm.”

Matthäus 25:40

Un da Kaynich zayld sawwa zu eena, ‘Voahlich, ich sawk eich, vass diah gedu hend zu ayns funn di vennichshta funn mei breedah, so hend diah's gedu zu miah.’

Römer 8:29

veil selli es eah foah-groofa katt hott, hott eah aw foah-ksetzt fa gleich sei vi sei Sohn, so es eah da eahsht-geboahra is funn feel breedah.