Micha 5:13 - Pennsylvania Dutch Bible

¹³ Ich zayl di abgott-gleichnisa es diah gmacht hend, un eiyah shtay-poshta nunnah reisa unnich eich. Dess is so es diah eich nimmi nunnah gneeya kennet zu selli sacha es eiyah hend gmacht henn.

Micha 5:13 Σταυροειδείς Αναφορές

Jesoiya 2:18

un di abgettah vadda nimmi ksenna.

Jesoiya 2:8

Iahra land is kfild mitt abgott-gleichnisa; si gneeya nunnah zu sach es iahra hend gmacht henn, sell es iahra fingah kshaft henn.

Jesoiya 27:9

Dess is dann vi em Jakob sei sind fagevva vatt, un dess zayld di frucht difunn sei, es sei sinda vekk gnumma voahra: Vann eah moll di awldah-shtay macht vi ufgmawlani kallich-shtay, un kenn Ashera-poshta un insens awldahra may datt shtayn.

Ezekiel 16:41

Si zayla dei heisah nunnah brenna mitt feiyah un zayla dich richta diveil es feel veibsleit dess vatsha. No hald ich dich funn huahrahrei dreiva un du shtobsht dei mennah betzawla fa huahrahrei dreiva mitt diah.

Ezekiel 36:25

Ich shpritz sauvah vassah uf eich, un diah zaylet sauvah sei; ich mach eich rein funn awl eiyah unreinichkeit un funn awl eiyah abgettah.

Ezekiel 37:23

Si zayla sich nimmi unrein macha mitt iahra abgettah un grausami gleichnisa un mitt awl iahra sinda. Ich zayl si zrikk drayya funn iahra sindlichi vayya es si nei kfalla sinn, un ich zayl si rein macha. No zayla si mei leit sei un ich zayl iahra Gott sei.

Ezekiel 6:9

No zaylet diah, es levendich deich dess kumma, an mich denka vann diah vekk gedrawwa vaddet unnich di heida. Diah denket droh vi vay es ich gedu voah bei iahra falushti hatza es sich vekk gedrayt henn funn miah, un bei iahra abgettishi awwa es glusht henn noch iahra abgettah. Si zayla sich hassa fa's evil es si gedu henn un di ungettlicha sacha es si drinn voahra.

Hosea 10:2

Iahra hatz is fafiahrich, un nau zayla si shuldich kfunna sei. Da Hah zayld iahra awldahra nunnah reisa, un iahra shtay-gleichnisa zu nix bringa.

Hosea 14:3

Es land Assur kann uns nett helfa; miah vella nimmi uf greeks-geil reida. Miah vella nee nimmi sawwa zu di sacha es unsah hend gmacht henn, ‘Diah sind unsah gott’; fa in diah finna di kinnah unni eldra bamhatzichkeit.”

Hosea 14:8

Oh Ephraim, vass may habb ich zu du mitt abgettah? Ich binn sellah es dich abheicht un dich heet. Ich binn vi en bohm es immah gree is, un dei frucht kumd funn miah.”

Nahum 1:14

Da Hah hott en gebott gevva geyyich dich, Nineveh: “Dei nohch-kummashaft zayld dei nohma nimmi drawwa. Ich mach en folshtendich end zu di gleichnisa un abgettah, dee es im tempel funn deim gott sinn. Ich risht dei grawb, fa du bisht grausam.”

Zephania 1:4

“Ich zayl mei hand naus shtrekka geyyich Juda, geyyich awl selli es in Jerusalem voona. Ich shneit ab funn demm blatz alles es ivvahrich is funn Baal, un di nayma funn di abgott-preeshtah, un aw di preeshtah es vekk gedrayt sinn fumm Hah—

Sacharia 13:2

Uf sellem dawk,” sawkt da Awlmechtich Hah, “zayl ich awl di nayma funn di abgettah ausreiva aus em land so es nimmand may an si denka dutt. Ich zayl aw di brofayda un unreinicha geishtah aus em land dreiva.

Di Offenbarung 9:20

Di ivvahricha leit es nett doht gmacht voahra bei dee sacha, henn alsnoch nett rumm gedrayt un boos gedu fa di verka es si gedu henn mitt iahra hend. Si henn nett ufkeaht deivela, un abgettah funn gold, silvah, kubbah, shtay un hols ohbayda, selli sacha vo nett sayna, heahra adda lawfa kenna.

Richtah 18:17

Di fimf mennah es nuff ganga voahra fa's land aussucha sinn no nei ganga un henn's gleichnis, da preeshtah-shatz, di haus-getza un da kshmolsa abgott gnumma diveil es da preeshtah un di sex hunnaht greeks-gnechta am doah kshtanna henn.