Micha 5:1 - Pennsylvania Dutch Bible

¹ Nau geddah dei greeks-gnechta zammah, du dochtah funn Zion; si henn uns umringd. Mitt en root shlauwa si da richtah funn Israel uf da bakka.

Micha 5:1 Σταυροειδείς Αναφορές

1. Mosi 35:19

So is di Rachel kshtauva un is fagrawva vadda uf em vayk noch Ephrath, dess is nau Bethlehem.

1. Mosi 49:10

Da zeptah soll nett vekk gnumma sei fumm Juda, un aw nett da kaynich shtokk funn zvishich sei fees, biss sellah kumd vo's ditzu heaht, un awl di leit sich zu eem henka zayla.

1. Kaynicha 22:24

No is em Kenaena sei boo, da Zedekia, nuff ganga un hott em Micha uf da bakka kshlauwa, un hott ksawt, “Vee is em Hah sei geisht aus miah ganga fa shvetza zu diah?”

2. Kaynicha 24:2

No hott da Hah greeks-drubba geyyich een kshikt funn Chaldaya, Syria, Moab un Ammon. Eah hott dee kshikt fa Juda zu nix bringa vi eah ksawt hott es eah zayld deich sei gnechta di brofayda.

Hiob 16:10

Leit macha iahra maul uf un shvetza geyyich mich; si shlauwa mich uf da bakka; si gayn zammah fa geyyich mich shaffa.

Shpricha 8:23

Ich voah eiksetzt funn ayvichkeit, even am ohfang, eb di eaht voah.

Jesoiya 10:6

Ich shikk een geyyich en gottlohs land; ich bitt een fa selli shlauwa es mich bays macha, fa iahra sach nemma un si rawva, un si nunnah shtamba vi drekk in di shtrohsa.

Jesoiya 33:22

Fa da Hah is unsah richtah, da Hah is unsah meishtah; da Hah is unsah kaynich es is een es uns helft.

Jesoiya 8:9

Fashtaynd dess, diah leit, un seind in shtikkah gebrocha; heichet ab, diah lendah veit ab. Rishtet eich fa fechta, diah zaylet in shtikkah gebrocha sei! Rishtet eich fa fechta, diah zaylet in shtikkah gebrocha sei!

Jesoiya 9:5

Alli shtiffel es da greeks-mann gvoahra hott im greek, un awl di bloodicha glayda vadda gnumma fa's feiyah feedra.

Jeremia 25:9

dann roof ich awl di leit funn di natt un mei gnecht da Nebukadnezar, da kaynich funn Babylon,” sawkt da Hah, “un ich bring si geyyich dess land un di leit es drinn voona, un geyyich awl di anra lendah drumm rumm. Ich fadaub si biss nix may ivvahrich is; ich mach si en kshpott, grausam un du si ayvichlich faveeshta.

Jeremia 4:7

Vi en layb es aus seim hekka-nesht kumd, kumd sellah es di heida nunnah reist. Eah hott sei blatz falossa fa kumma eiyah land fadauva. Eiyah shtett zayla nunnah grissa vadda, un nimmand zayld drinn voona.

Glawk-Leedah 3:30

Eah sett sich uf da bakka shlauwa lossa, un's ohnemma vann eah faniddaht vatt.

Ezekiel 21:32

Du zaylsht ufbrenna im feiyah, dei bloot vatt fagossa in deim land, un nimmand denkt may an dich; fa ich, da Hah, habb kshvetzt.’”

Ezekiel 24:2

“Mensha-kind, shreib da nohma funn demm dawk anna, deah veiklich dawk, veil da kaynich funn Babylon geyyich Jerusalem kumma is fa fechta uf deah veiklich dawk.

Daniel 9:25

Du solsht vissa un dess fashtay: funn di zeit fumm gebott fa Jerusalem viddah ufbauwa, biss da Messias, sellah ksalbt Evvahsht, kumd, zayld sivva mohl sivva, un sivva mohl zvay un sechtzich yoah sei. Jerusalem zayld viddah ufgebaut sei mitt shtrohsa un en grawva an di vand nohch, an en zeit funn druvvel.

Joel 3:9

Roofet dess aus unnich di heida: Rishtet eich fa greek! Roofet eiyah mechtichi mennah zammah! Losset di greeks-gnechta nayksht kumma un fassich gay.

Amos 2:3

Ich mach da richtah unnich eena doht, un aw awl di evvahshta unnich eena.” So sawkt da Hah.

Habakuk 1:6

Nau gukk moll, ich binn am di Chaldayah ufvekka, selli unfashtendicha un ungeduldicha leit, dee es am ivvah di gans eaht gay sinn, un am lendah ivvah-nemma es nett iahra sinn.

Habakuk 3:16

Ich habb dess keaht un mei hatz hott geglobt, mei leftz henn geziddaht funn di yacht; mei gnocha sinn faul gedrayt, un mei bay henn kshiddeld. Ich voaht geduldich fa da dawk es dreebsawl uf di leit kumd es geyyich uns shtreida.

Matthäus 26:67

No henn si eem in's ksicht kshpautzt un henn een kshlauwa mitt di feisht. Dayl henn een kshlauwa mitt di blutt hand,

Matthäus 27:30

No henn si uf een kshpautzt, un henn da hohl shtokk gnumma un henn eem uf da kobb kshlauwa.

Matthäus 5:39

Avvah ich sawk eich; diah sellet nett zrikk fechta geyyich en evilah mensh. Vann ebbah eich uf da rechts bakka shlakt, sellet diah da annah bakka aw annah hayva.

Johannes 18:22

Vo eah dess ksawt katt hott, hott ayns funn di greeks-deenah vo datt kshtanna hott, Jesus kshlauwa mitt di hand un hott ksawt, “Is sell vi ma andvat gebt zumm hohchen-preeshtah?”

Johannes 19:3

Si sinn nuff ganga zu eem un henn een fashpott un henn ksawt, “Gukk moll, da Yudda Kaynich!” Un si henn een kshlauwa mitt iahra hend.

Di Apostelgeschichte 23:2

Avvah da hohchen-preeshtah Ananias, hott dee vo nayksht beim Paulus kshtanna henn kaysa fa een uf's maul shlauwa.

2. Korinther 11:20

Fa diah nemmet's oh vann ebbah eich gnechta macht, vann eah eich fangd un diah vaddet gnumma bei eem, vann eah nunnah gukt uf eich un shlakt eich in's ksicht.

5. Mosi 28:49

Da Hah zayld en folk geyyich eich bringa funn veit fatt, fumm end funn di veld, en folk mitt en shprohch es diah nett fashtaynd. Si fleeya nunnah uf eich vi en awdlah.

5. Mosi 33:27

Da ayvich Gott is dei voon-blatz, un unna drunnah sinn sei ayvichi eahm. Eah dreibt dei feinda fannich diah vekk, un sawkt, ‘Mach si doht.’

Richtah 17:7

Nau's voah en yungah mann funn Bethlehem in Juda. Eah voah en Lefiddah un hott unnich em kshlecht funn Juda gvoond.