Micha 3:6 - Pennsylvania Dutch Bible

⁶ Fasell zayld di nacht ivvah eich kumma, un diah greeyet kenn visions, di finshtahnis kumd unni ennich voah-sawwes. Di sunn zayld unnah gay fa di brofayda, un da dawk vatt dunkel fa si.

Micha 3:6 Σταυροειδείς Αναφορές

Psalm 74:9

Miah sayna unsah zaycha nimmi; es sinn kenn brofayda may do, un nimmand unnich uns vayst vi lang es dess so sei zayld.

Jesoiya 29:10

Da Hah hott en geisht funn en deefah shlohf ivvah eich gebrocht, eah hott eiyah brofayda iahra awwa zu gmacht, un hott iahra kebb zu gedekt.

Jesoiya 59:10

Miah langa naus fa di vand vi di blinda, miah feela unsah vayk vi selli unni awwa. Am middawk shtolbahra miah vi an dushbah, unnich di shteika, sinn miah vi dohdi.

Jeremia 13:16

Gevvet hallichkeit zumm Hah eiyah Gott eb eah's dunkel macht, eb eiyah fees shtolbahra uf di dunkla hivla. Diah vinshet fa helling avvah eah macht's shvatz dunkel, un macht alles dreeb.

Jeremia 15:9

Di maemm mitt sivva kinnah vatt shvach, 's gayt iahra hatt fa shnaufa. Iahra sunn is unnah ganga im hella dawk, see is fashohmd un gedaymeedicht vadda. Selli es ivvahrich sinn, vadda doht gmacht mitt en shvatt funn iahra feinda,” so sawkt da Hah.

Jeremia 18:18

Si henn ksawt, “Kummet, vella ausmacha vass miah du vella geyyich da Jeremia. Es zayla immah preeshtah sei fa uns lanna, mennah mitt veisheit fa uns roht gevva un brofayda fa Gott sei vadda sawwa. Vella een fanga bei sei aykni vadda fadrayya, un vella een nimmi abheicha.”

Ezekiel 13:9

Mei hand zayld geyyich di brofayda sei es falshi visions sayna un es leeya foah-sawwa. Si zayla nett in di fasamling funn mei leit sei un aw nett ufkshrivva sei im buch fumm haus funn Israel. Un si zayla aw nett nei in's land funn Israel gay. No zaylet diah vissa es ich da Awlmechtich Hah binn.

Ezekiel 7:26

Ay shreklichi sach noch di annah zayld kumma un ay shlecht kshvetz noch di annah. Si broviahra en vision greeya fumm brofayt, un's ksetz zayld faloahra sei zumm preeshtah un aw da roht funn di eldishti.

Amos 8:11

Di dawwa zayla kumma,” sawkt da Awlmechtich Hah, “es ich en hungahs-noht deich's land shikk— nett en hungah fa ess-sach adda en dasht fa vassah, avvah en hungah fa em Hah sei vadda heahra.

Micha 2:6

Di leit sawwa, “Doond nett broffetzeiya; doond nett broffetzeiya veyyich selli sacha; miah zayla nett so fashand vadda.”