Micha 3:5 - Pennsylvania Dutch Bible

⁵ Dess is vass da Hah sawkt veyyich di brofayda es mei leit letz fiahra: “Vann ebbah si feedaht, dann fashprecha si eem fridda. Avvah vann eah si nett feedaht, dann rishta si fa greek macha geyyich een.

Micha 3:5 Σταυροειδείς Αναφορές

Shpricha 28:21

Es is nett goot es en richtah unnahshitt macht fa ebbah, avvah dayl doon letz fa en shtikk broht.

Jesoiya 3:12

Oh mei leit, kinnah sinn am eich nunnah dredda, veibsleit roola ivvah eich. Mei leit, selli es eich fiahra, doon eich letz fiahra, si drayya eich vekk funn di pawt.

Jeremia 23:27

Si mayna di drohma es si sawwa zu nannah macha mei leit mei nohma fagessa, grawt vi iahra foah-feddah mei nohma fagessa henn bei da abgott Baal deena.

Jeremia 23:32

Un noch veidah, ich binn geyyich selli es iahra falshi drohma broffetzeiya,” sawkt da Hah. “Si sawwa di drohma un fiahra mei leit vekk mitt iahra foah-vitzichi leeya, avvah ich habb si nett groofa adda kshikt. Si helfa di leit goah nix,” sawkt da Hah.

Jeremia 6:14

Si achta mei leit es am vay du sinn, es vann's ebbes leichtes veah. Si sawwa, ‘Fridda, fridda,’ un doch hott's kenn fridda.

Jeremia 6:4

Rishtet eich fa geyyich see fechta, vella nuff gay am middawk! Avvah nay, 'sis am ohvet vadda, di shadda sinn am lang vadda.

Glawk-Leedah 2:14

Vass dei brofayda diah ksawt henn voahra falshi un dummi leeya; si henn dei sind nett abgedekt, fa dich halda funn kfanga vadda. Di broffetzeiya es si diah gevva henn, voahra falsh un henn dich fafiaht.

Ezekiel 13:9

Mei hand zayld geyyich di brofayda sei es falshi visions sayna un es leeya foah-sawwa. Si zayla nett in di fasamling funn mei leit sei un aw nett ufkshrivva sei im buch fumm haus funn Israel. Un si zayla aw nett nei in's land funn Israel gay. No zaylet diah vissa es ich da Awlmechtich Hah binn.

Hosea 4:5

Fasell shtolbahsht du dawk un nacht, un di brofayda shtolbahra mitt diah, un so zayl ich dei maemm umbringa.

Joel 3:9

Roofet dess aus unnich di heida: Rishtet eich fa greek! Roofet eiyah mechtichi mennah zammah! Losset di greeks-gnechta nayksht kumma un fassich gay.

Micha 2:11

Vann en leeyah un fafiahrah kumma dayt un sawwa, ‘Ich zayl broffetzeiya es diah blendi vei un drinkes havva zaylet,’ sell veah yusht di satt brofayt es diah havva vellet.

Micha 3:11

Iahra evvahshti nemma geld hinna rumm, iahra preeshtah vadda betzawld fa leit lanna, un iahra brofayda broffetzeiya fa geld. Avvah doch falossa si sich uf da Hah un sawwa, “Is da Hah nett unnich uns? Nix shlechtes zayld uf uns kumma.”

Maleachi 2:8

Avvah diah sind vekk gedrayt fumm rechta vayk, un feel leit sinn kshtolbaht bei vass diah si gland hend. Diah hend's bund mitt em Levi gebrocha,” sawkt da Awlmechtich Hah.

Matthäus 15:14

Losset si gay, si sinn blindi foah-gayyah. Un vann en blindah mann en anra blindah mann fiaht, falla si awl zvay in en grawva.”

Matthäus 7:15

“Gevvet acht fa di falsha brofayda. Si kumma zu eich in shohf glaydah avvah innahlich sinn si velf es eich fareisa vella.

Römer 16:18

Fa sohwichi deena nett unsah Hah Jesus Christus, avvah iahra ayknah bauch; un si fafiahra selli mitt hatza es nett bessah vissa deich iahra seesi un gladdi kshvetzah.